凱日宴會廳

营业中

休息中

今日陪两老去观塘APM行街，行到攰就去咗鳄鱼恤中心嘅凯日宴会厅饮下午茶。两老要求：坐得舒服、够冷气、唔使搭枱、可以慢慢食。呢间酒楼完全符合佢哋两个嘅要求。我哋叫咗三个下午茶优惠孖宝，再加两个下午茶优惠点心，一共八样野。🥢鲜虾菜苗饺水晶皮有少少厚，但系因为入面嘅料都好足够，所以整体嚟讲都算好食。🥢斑斓生煎包绿色嘅斑斓包包住猪肉，斑斓包有淡淡的斑斓香味，入面旧猪肉馅都够多汁。🥢脆煎莲藕饼食到一粒粒嘅莲藕，煎得好香，但系唔会好油腻。🥢葱花炸两肠清淡咗啲，不过炸两香脆，肠粉皮都唔算太厚。🥢潮州蒸粉果圆圆胀胀嘅粉果，上枱嘅时候都系热辣辣。🥢豉汁鱼茸酿茄子厚切茄子配上大大旧鱼蓉，多汁，不过冇乜特别。🥢我不是春卷根本就系普通嘅鲜虾春卷，比佢个名呃咗。🥢脆皮烧鹅檬粉檬粉够幼滑，烧鹅都唔会太韧，个汤都几清。每一样点心都系热辣辣咁样上枱，饮下午茶都算唔错，坐得都算舒服，唔太迫，食完之后可以慢慢坐到3:30，直到有员工大叫清场，我觉得呢一下有啲扣分，好似饭堂食完嘢赶客走咁。