力寶軒

营业中

休息中

去咗呢间潮州酒家饮茶🫖，午市人头涌涌。朋友介绍话佢哋啲嘢食好正宗，用料又足料，所以就专登去试吓。果然无令我失望！每道菜都做得好好，真系感受到佢哋嘅用心。首先，我哋叫咗个鹅片捞面$98，好有惊喜。呢个系潮州菜嘅招牌菜之一。佢哋嘅鹅片，肥瘦适中，鹅肉滑嫩，唔会太韧，鹅味香浓。捞面有鹅汁，仲配埋上汤，真系一流！我哋叫咗个翡翠带子饺$78。个卖相已经好吸引，啲饺皮薄薄透透，带子鲜嫩。蟹粉小笼包$38/位，就系另一个亮点！皮薄、蟹粉嘅味道好浓郁，而且仲食到丝丝蟹肉，真系好正！我哋每人一只唔够喉！跟住蒸虾饺皇$80， 晶莹通透，个皮够薄但系又唔会烂，虾肉爽口弹牙，食落好满足！最后煎萝卜糕$48，煎得金黄香脆，外层脆卜卜，内里软糯，配埋辣椒酱好正！沙律明虾角$68，炸皮够薄够香脆，点埋沙律酱，唔会太油腻。除咗食物好食之外，呢间酒家嘅环境都几舒服，干净企理，服务态度都唔错。