喜運點心專門店 (已結業)

石门呢间点心质素唔错，食得出唔系工场大量制造嘅点心，而且价钱唔贵、平民美食。叫咗肠粉孖宝餐$45好抵食！拣咗叉烧肠系推介，肠粉够滑热辣辣，有三大条。点心有好多选择，我哋拣咗虾饺。虾饺亦都系大大粒，虾够爽口，真系好食！春卷新鲜炸起，够香脆，一份有四条。点心当然唔少得烧卖，烧卖猪肉够新鲜，唔多肥膏，又系新鲜热辣辣，唔错！再叫咗珍珠鸡，一份三件。珍珠鸡蒸得够林，入面几多汁，同样都几好食。仲叫咗南瓜煎软饼，入边仲有豆沙馅。呢个好食！糖水叫咗桑寄生蛋茶，真系唔系度度有呢款，够足料够浓郁。