炑八韓烤 (MegaBox) (已結業)

2022年5月14日晚餐特登拣Megabox呢间（之前嚟过 - 地方比较宽敞，食物同服务都正常）。点知今晚唔好彩坐喺两枱疑似系熟客嘅附近（近水吧位置），食咁耐嘈足咁耐！仲要有两个人食饱起身吹水，唔带番口罩仲要咳！唔知以为去咗饮，好似敬酒(劈酒)环节，嘈到呢！环顾四周都冇一枱系咁，连坐正佢对面卡位一家大细都眼望望咗几次！好可惜，几位高级职员行过都唔觉得系一回事（可能𠮶两枱真系某位高级职员嘅熟客）。食物好，其他服务都到位，但环境管理唔好都系会影响顾客嘅用餐体验！