嘉發小食

营业中

休息中

行街嘅时候想揾啲野食下，听闻呢间好出名嘅小食店重开，今次就有机会试下。下昼两点左右，野食即叫即整，好彩唔系好多人，唔洗等好耐就有得食啦。加厚缤纷乐榛子格仔饼要试就试啲平时少见嘅口味啦，缤纷乐榛子格仔饼，本身谂住叫普通正常版，但系老板就建议食加厚版。等左5，6分钟左加就有得食。格仔饼大大份，新鲜热辣辣，加厚版大概系平时厚一半左右，外脆内软，入面有榛子朱古力酱之外，仲真系有一粒粒一格格嘅缤纷乐，仲有少少花生碎，成个加埋真系有啲邪恶。但系由于格仔饼外层唔属于厚粉，唔会感觉食左好多淀粉，就算系自己一个食晒成个都岩岩好，未至于饱饱滞滞。小食店除左格仔饼之外，仲有鸡蛋仔，而且有好多唔同口味可以比大家选择，另外仲有鱼蛋等其他小食，鸡蛋仔同格仔饼款式同口味咁多，睇黎都要黎多几次先得啦！