譚仔三哥米線 (新都城中心二期)

营业中

休息中

之前讲咗好耐话想试吓谭仔三哥嘅「菜底」，一直未有机会，咁啱今日唔系好肚饿就试吓转吓。（米线转菜底要加$3）之后我拣咗京白菜底配番茄汤四小辣，一开始我以为会好多菜啦，点知一羹落去全部都系汤，基本上八成系汤半成系配料同肉，剩低嘅一成先系菜。老实讲加咗$3，其实个人期待系真系想食多啲菜，唔食米线咁多淀粉质，点知最后系食咗一肚嘅寂寞。（👆🏻食晒所有嘢剩低啲汤）个人建议如果想减肥嘅话，宁愿嗌碟菜同小食会开心啲同满足啲，虽然唔知道系固定份量定系咁啱俾得份量少啦，不过我就唔会再嗌啦。其他嘢系冇问题嘅，因为我都几钟意食谭仔三哥，基本系上都系成日食，希望佢迟啲会改良下啦。