譚仔三哥米線 (新都城中心二期)

营业中

休息中

今次經過譚仔門口，個姐姐走出黎話有下午茶套餐，最後揀左「迷你雙餸米線」，埋單$46嗌左個雙餸米線，揀左肺肉同雞肉，腩肉肥瘦適中，肉質鮮嫩，雞肉滑；再加埋麻辣湯底，唔知點解以前食開既辣度，依家好似辣過之前！米線煮得岩岩好。小食揀左湖南土雞翼，正常操作，肉質緊實，非常入味，必食！！第二款小食揀左蒜泥白肉味道幾好，但得四片，相對薄身，對比下雞翼會抵食啲！！最重要嘅係，譚仔竟然有服務🤣🤣🤣有位員工態度超好，驚我唔識落單，主動過黎教我落單。我表示驚訝！

今日用網上外賣平台叫野食雞肉清湯米線夠膽一碗野真係數得出得3件雞肉縮水餸都唔好咁肉酸啦做臭個牌頭呀？打電話去唔聽電話真係好燥個下…..麻煩店員睇到做返好個市呀！如果唔係打開個兜睇完真係X出嚟

譚仔同三哥開到周圍都係， 今日適逢8號風球，再加上Green Monday，咁就一於叫返碗酸菜米線，啲酸菜多到好似唔使錢咁，仲可以加$10要一個植物乍醬。唔夠嘅仲可以，叫一份蒜燒茄子，蒜油超惹味。Green Monday就係咁簡單。

經過譚仔三哥 見到佢poster出左新野 -三酸撈薯粉- 所以諗住外賣翻去試吓 😆淨麵底就係$33 咁我就加左兩個餸 墨魚丸($5)同豬肉($6) total $45 一打開份量唔多 薯粉都好煙韌有咬感 但個撈汁我略嫌太多油 感覺好肥膩 味道係正常既 酸酸辣辣 開胃的 不過俾我揀我都係鍾意麻辣湯底 因為咁食唔夠熱

最近譚仔三哥又賣廣告，見個封面廣告好似幾吸引就想試吓，新嘅湯底叫煳椒肉骨湯。整體味道偏清淡，冇真嘅肉骨湯嘅味道咁濃，試完覺得有啲少少伏。（煳椒肉骨茶豬膶米線配老油條👆🏻）

之前講咗好耐話想試吓譚仔三哥嘅「菜底」，一直未有機會，咁啱今日唔係好肚餓就試吓轉吓。（米線轉菜底要加$3）之後我揀咗京白菜底配番茄湯四小辣，一開始我以為會好多菜啦，點知一羹落去全部都係湯，基本上八成係湯半成係配料同肉，剩低嘅一成先係菜。老實講加咗$3，其實個人期待係真係想食多啲菜，唔食米線咁多澱粉質，點知最後係食咗一肚嘅寂寞。（👆🏻食晒所有嘢剩低啲湯）個人建議如果想減肥嘅話，寧願嗌碟菜同小食會開心啲同滿足啲，雖然唔知道係固定份量定係咁啱俾得份量少啦，不過我就唔會再嗌啦。其他嘢係冇問題嘅，因為我都幾鍾意食譚仔三哥，基本係上都係成日食，希望佢遲啲會改良下啦。

Lunch Time 同同事食三哥，見到譚仔三哥新推出砂砂湯肥牛鹿茸米線，就好想試～因為平時砂砂湯只有部分分店有得食，所以為咗止住想食嘅慾望，所以貴啲都照食！！落咗三小辣，辣度啱啱好，夠曬Jeng～

我諗好多人都有食過佢哋嘅米線啦，唔知道你哋食佢哋嘅米線會嗌啲咩湯底呢。😂我今日就食咗佢哋嘅酸辣湯底，順便要咗土匪雞翼！佢哋咁多款嘅雞翼我最鍾意嘅就係土匪雞翼啦！因為夠香又惹味！不過今次我就係嗌外賣嘅，所以等嘅時間都等得耐咗，拎到返屋企嘅時候溫度唔係好足夠，所以我另外將土匪雞翼放入焗爐度加熱左，好彩最後都算係好味，或者下次要堂食？😅酸辣嘅湯底酸酸辣辣好開胃，我平時都好鍾意食酸酸辣辣嘅湯底啊。😜

12月16日同朋友一起去食三哥晚餐，我哋三個都不約而同叫咗胡辣湯底叫咗一個大土匪雞翼一個細嘅蒜泥白肉，同埋一個尖椒皮蛋！一直都覺得三哥嘅胡辣湯底係做得十分之出色,米線分量有足夠,食完之後十分之滿足！

琴日去三哥食米線，叫咗番茄湯五少辣加炸醬，蕃茄湯加辣唔錯㗎，酸酸辣辣，米線口感適中，炸醬真係好食過譚仔好多，另外有叫麻辣涼拌汁皮蛋，下次應該會叫返尖椒，因為呢個好多辣又唔係好食到涼拌汁嘅味道。

仲記得細細個嗰時，每次行過「譚仔」，都會感覺到一陣莫名其妙嘅怪味😅 人大咗，性格會變… 估唔到就連口味都變埋😉 每個星期我都會比一日 #MeTime 自己，做吓Facial、整吓指甲、食啲平時好少食嘅嘢😉 呢日心癮又起，我又去咗幫襯「譚仔三哥」😆食佢哋嘅 #麻辣腩肉米線，咁當然 #土匪雞翼 一定唔少得啦🤤新都城店係新開嘅，咁啱我去到嘅時候又唔係飯市，好彩唔使排長龍✌🏻 平時落咗單之後，閑閑哋都要等15至20分鐘先至有嘢食，呢日出奇地快🥳 講真每間「譚仔」嘅食物味道都係差唔多，不過佢哋控制得湯底個熱度非常好，或者係我個人口味嘅關係，硬係要食到流晒汗先至夠滋味🤤 食埋幾隻雞翼落肚… 好滿足！

《雙辣交襲🔥全辛震撼》———————————————-#譚仔三哥 🍜-三哥出新湯底新菜式又點可以唔飛奔去食！今次將我最中意嘅煳辣湯底夾埋招牌嘅麻辣湯底，既有焦香辣醇嘅獨特風味，又有花椒嘅香麻特色，層次豐富，多重辛香，食得好爽😋-一上枱就已經聞到湯底濃郁嘅香味，除咗食咗經典必點嘅腩肉外，新搞作嘅兩款配料亦相當驚喜😆薄身嘅魚爽肚口感爽滑細嫩 ，一啲魚腥味都無👍🏻-而芥末魚籽鱈魚滑豆卜夠哂嶄新，喺鱈魚滑內加入了以山葵提煉嘅芥辣油，中意食Wasabi 嘅就一定唔可以錯過🤗-小食除咗我哋嘅至愛蒜泥白肉之外，仲食埋同樣新推出嘅香烤芝脆豆腐餅，蔥花味好出，食落仲啲似酒樓出品嘅添🤣-📍譚仔三哥🍌抵deal 指數：8/10#抵deal #hkgoodeal #hkgoodeal

上個月知道譚仔三哥新推出酸辣魚片米線，就好想試～～為了止住想食酸菜魚的慾望，是日同婆婆來吃米線！！婆婆選了魚蛋豆卜蕃茄湯米線，我就鐵定是酸辣魚片，沒有另外加餸～～～魚蛋豆卜蕃茄湯米線，蕃茄湯底味道不夠香濃及甜，加了些蕃茄醬，味道偏酸。魚蛋幾有咬口，豆卜大件又吸湯，好食！酸辣魚片米線，賣相有點欠佳，酸菜夠多，酸度足但辣度不夠，而且酸辣味道不太融合，有點單調。魚片質素卻不差，本來以為是魚片粥那些稔稔的魚片，豈料這裡的魚片大大片之餘，又夠爽口，沒有泥味～～魚片的份量都多，細食的女生不加餸都夠食！雖然酸辣湯底的味道不夠濃，但魚片質素卻又令人有點意外的覺得不錯，整體而言算是還可吧！只是止不住想食酸菜魚的慾望

之前係ig已經見到譚仔三哥有新野堆出我本身超愛食薯粉 (每星期起碼有一次）見佢張poster 已經超級想食我叫左外賣 小辣呢個酸辣粉内嘅餸有： 豬耳，雲耳，薄脆，青瓜絲全部都係爽口清涼食物！秘製辣醬汁就直接係薯粉度撈埋一齊大約就係咁總結泥講食物：我覺得每樣野都配合得好好！食落去全部都”sok sok”聲，佢嘅辣汁好正，會食到上癮🤣🤣薯粉方面，lee隻薯粉唔會咬唔斷，食落爽口不過如果多番少少青瓜絲就更好😍*如果食得辣嘅人，我會覺得食小辣以上嘅辣度咁先夠過癮包裝：今次叫外賣，佢將餸同沾左辣汁嘅薯粉分開放夏日炎炎食番碗酸辣撈薯粉真係唔錯喔💛

有時做嘢做得耐，係想食啲重口味嘢，今晚就簡左大路三哥，見有新嘢就試試佢。。。。酸麻撈薯粉~叫左小辣，可能因為係撈，所以味道好濃好辣，我下次應該會食番湯米線蒜泥白肉~一如以往，食完唔好咀女友，否則會比人摑一巴，但味道一流重口味豬扒~個名唔太記得，豬扒個肉質唔似肉了，個味比啲咪粉完全遮哂，一舊好重好重口味既豬扒，味道認真麻麻地每每工作辛苦後，食一食重口味食物，換來一絲絲刺激，為生活帶來一點點漣漪。。。