嫲嫲辣辣 (福榮街) (已結業)

钟意食麻辣嘅人真系要嚟呢度食下。平时喺香港一啲普通餐厅叫一啲辣嘅嘢食真系好难会揾到啲有质素嘅，因为香港人普遍唔系好食得辣。而我系呢间餐厅点嘅自选干锅拣左孜然味既中辣就已经够晒皮。平时就算食到好食嘅辣野多数都系花椒8角既香同麻辣，今次拣既孜然味都唔会输比佢地，非常香口嘢味！有觉得我拣嘅材料全部都拣得好好**炸支竹/鸡肾/肥肠/东风螺/薯粉**全部都好索味，既食到香辣，又食到食材嘅鲜味。特别要赞下个东风螺，30几蚊原本都谂住可能得好少，但食食吓食极都仲有，数埋有18只， 只只都大大粒，而且好食其实一男一女食完个干锅已经几饱，但衰就衰在开头我哋眼阔肚窄，叫多咗个毛血旺。比干锅佢唔算出色，个人唔太推荐。