Bingo & Cook (港匯廣場)

营业中

休息中

话说见到IG好多人推介呢间嘢，所以过咗嚟食。一嚟到就嗌咗一个海鲜锅同酱油蟹首先讲吓酱油蟹，其实酱油蟹系好食的，但系喺我哋食到一半嘅时候个侍应突然之间收走咗我哋份酱油蟹，原因系因为比错咗。之后佢再补返畀我哋，但系我哋唔知道佢最后点样处理我哋食过酱油蟹💀 其实如果叫我加钱补返个差额都是可以的，但咁突然收走人哋食紧嘅嘢，我觉得有啲吓人，同埋唔知道佢最后点样处理只蟹，会唔会系俾个另一台客？或者系再腌过？然后个海鲜锅先顶瘾，啲嘢食系好多，但系好多嘅海鲜都系好霉，劲唔新鲜。汤底系死辣，冇任何味道可以？开头睇落去以为好多海鲜，但其实底𠮶度全部都系芽菜冬菇同埋啲虾仁仔。仲有，佢哋啲海鲜劲大份，又冇铰剪俾客人剪，成只蟹喺中间斩一刀就放落个锅度煮😅 鱿鱼又系一嚿劲大嚿咁样抌落去，完全系无从入手。总结就系冇下次🙏🏻 食一次影吓相就可以了，即使喺出边𠮶啲好似韩国路边摊嘅枱都系超细张😁 同隔篱枱嘅距离系半只手都冇。