荔園茶餐廳 (已結業)

今日去开尖咀，之前见佢装修后推过下宣传，都会想黎试下，但同期望相差好远。Set dinner选择4款，我唔食得牛，4款有2款牛，一款猪，同一款海鲜。同朋友各自点左餐，餐汤得红汤，真心讲句，普通茶餐厅都会有2款汤，呢间嘢咁揼本，竟然悭𠮶啲白汤罐头。佢仲要落得劲辣椒油，啲油令到反光，对唔食辣嘅我黎讲真系摆埋一边算。朋友系咖哩牛，佢话味道好普通，唔可以用好食黎形容，佢个意粉食两啖已经唔想再食。我系蕃茄焗猪扒饭，第一次食个蕃茄焗猪扒可以冇乜蕃茄味，仲要个炒饭底都冇咩味，清淡到我以为去左出面标榜建康餐𠮶啲餐厅。而个焗盘好浅，饭量不多，可能我大食啦～食完已经谂去边食个甜品填番肚添呀！间嘢装修超普通，冇咩客，连我坐𠮶枱先得4枱人，total5个客。做开F&B back office嘅我职业病发数佢楼面3个人，1个收银连1个水吧，但系竟然系冇服务，成班人围喺水吧前。虽然我地有餐饮，但我地叫佢俾热水杯水唔热，我唔信水吧冇电热水撑。真系不值一试。