So Bar (已結業)

次次经过尖沙咀呢条街就会见到有一间环境唔错嘅酒吧，原来佢系同苏妈苏妈share同一间舖头。餐厅有分室外同室内，气氛都几好。烧猪颈肉呢个烧猪颈肉好抵食，佢份量都几多，肉质软腍嘅猪颈肉，经过烧之后，出边脆脆哋，如果想惹味啲可以点吓佢嘅辣酱。炸馒头配咖央好少酒吧有呢啲小食，佢嘅咖央真系好香，馒头炸到脆卜卜，但又唔会太油，唔错。BBQ汁烧猪肋骨呢个烧猪肋骨嘅份量都好大，佢另外会配上薯角同埋一啲蔬菜等等，佢每条骨都好厚肉，食落去真系啖啖肉，以咁嘅价钱嚟讲真系好抵食。另外嗌咗两杯mocktail，上枱见到个样都已经知道有水准。Sunset呢杯用咗桃泥、橙汁、蔓越莓、糖浆柠檬汁、苏打水等去调制，桃味为主调，味道清新。Kumquat Mojito另外呢一杯就好有惊喜，佢竟然用上咗盐腌金橘配自制新鲜薄荷苏打水等，又几夹同埋味道都平衡得几好，值得一试。