M Kitchen (已結業)

呢间餐厅嘅嘢食就出名大大份嘅，我梗系要试下啦，好期待食到个肚腩都出晒嚟呀。系商场入面，一直行就到，几方便。待应嘅服务态度超好，对于我呢啲诸多要求嘅人都一直好好，真系feel到佢哋真系服务满分呀！烤美式猪肋骨配薯条呢个菜上枱个阵有少少吓亲！好大份呀！！猪肋骨有成七条骨连肉。调味好正，肉入晒味，个酱好正！肉质好软，同时又好嫩，一切就开，又方便分！沙律菜嘅伴碟同埋一篮嘅薯条，真系好大份架！龙虾汁大虾墨鱼面墨鱼面比较少见，于是就嗌嚟试下。份量一样超多，就嚟多到满晒。墨鱼面好挂汁，每啖都食到浓浓嘅龙虾味，大虾爽口弹牙。晚餐仲可以加钱配餐汤、特饮同甜品。餐汤洋葱汤香浓，甜品都好有诚意，烧饼外脆内软，正！