鮨和居食屋 (已結業)

本身想简简单单咁食吓剌身寿司，就揾咗呢间鮨和，因为见网上都多人赞。点鬼知一落单就出事喇，喺我哋落单途中不停打断我哋问”食唔食生蚝？””食唔食海鲜？”食唔食鸡泡鱼干呀？” 我哋答佢”唔使啦唔该”，之后佢眼神有些许奇怪并话”唔紧要”。老实讲，落单过程我哋俾佢打断咗足足3次，觉得有少少唔耐烦都正常挂？而最后更加落错单…😅Anyway，大家睇foodie IG都系想睇美食而唔系放负，明嘅，宜家入正题🤣厨师发办刺身拼盘 ($580)：刺身有七款，质素正常发挥喇！中拖罗够肥美，鱼油十足，而且冇筋，入口即溶🤤 唯独是海胆和带子较为失色，明显食得出唔太新鲜和有少许腥味🥲寿司 (三文鱼$40/ 三文鱼籽$90/ 玉子$40)：每款两件~错有错着，三文鱼几肥美，不过我哋就无缘食三文鱼腩🥺因为本身系叫三文鱼腩，不过最后上嘅变咗系三文鱼🤷🏿‍♂️ 舍利(シャリ) 正正常常，无乜酸味，亦相对较黏口茶渍饭 (烧三文鱼及紫菜) (各$48)：质素唔错，味道亦唔会太咸，食完几暖胃，如果紫菜可以完块上而唔系切丝就仲好😌总结，嘢食质素正常无伏，亦见到老板和员工都好用心去营运呢间餐厅。唯独是个服务真的有待改善。不过凡事两面睇