山東餃子館 (已結業)

喺开中环番工，好少去对面海食嘢。趁住今日放假，就特登落去深水埗试下啲传统小店。出左地铁站行左几个街口见到呢间饺子店，自己就突然心血来潮想试一试，估唔到入面啲嘢食平得黎水准都唔错。既然系一间山东饺子店，我就当然试左佢地嘅韮菜水饺面。个面份量都几足下，面质都算弹牙。主角水饺方面，馅都几多下，韮菜都几多下、几新鲜，以呢个价黎讲真系几抵食。至于红油抄手，个人觉得红油都几香，水准之作！不过讲到最惊喜嘅，就系佢地嘅葱油饼。葱油香到不得之了，块饼薄得黎好脆，一个字正！