影片
更多
2023-03-07
315 浏览
一间餐厅俾人嘅第一印象，通常真系由等位嘅时候，门口出来迎接嘅侍应开始建立。好可惜，虽然我明白系晚市时间，但系眼见入边有几张枱啲客人已经走咗，然后阿姐仲要同我讲无位，可能要等20分钟，心中不免怀疑，佢系咪玩我？Anyway，等咗大约半个钟，终于可以入座，但系一入座仲不断听到有foodpanda等等其他外卖平台嘅machine「刺耳落单声音」，阿姐一副分身不暇咁样，一时去接外卖单，一时过嚟催促我睇餐牌；𠮶阵时啱啱坐低咗2分钟，佢就走埋嚟讲：「落唔落单啊，而家唔落有排冇得落，好多外卖单啊。」Anyway，最后落咗单，一碗麻辣牛肉手工面，另一碗药膳农场鸡米线。先点评食物，前者其实汤底恰到好处，我嗌咗最细𠮶只辣，汤底浓郁，同啲手工面几夹；至于药膳汤底，同样味道浓郁，鸡件滑嫩，系啱啱熟透嘅最佳状态👍🏻有啲云耳红枣，配合返佢个药膳。食到中途，个口太辣想嗌支汽水饮，回头一望，同阿姐讲，佢企正喺我后边，但系完全唔俾反应我，过咗2分钟我再问佢，佢竟然话「得啦听到，好多单啊好忙啊，转头啦转头啦」。总括而言，我觉得佢系一间比真正俾侍应「耽误」咗嘅米线/面店。坦白讲，以阿姐嘅服务质素，喺2023年饮食业刚刚复苏
Anyway，等咗大约半个钟，终于可以入座，但系一入座仲不断听到有foodpanda等等其他外卖平台嘅machine「刺耳落单声音」，阿姐一副分身不暇咁样，一时去接外卖单，一时过嚟催促我睇餐牌；𠮶阵时啱啱坐低咗2分钟，佢就走埋嚟讲：「落唔落单啊，而家唔落有排冇得落，好多外卖单啊。」
Anyway，最后落咗单，一碗麻辣牛肉手工面，另一碗药膳农场鸡米线。先点评食物，前者其实汤底恰到好处，我嗌咗最细𠮶只辣，汤底浓郁，同啲手工面几夹；至于药膳汤底，同样味道浓郁，鸡件滑嫩，系啱啱熟透嘅最佳状态👍🏻有啲云耳红枣，配合返佢个药膳。
香辣牛肉汤手工面
31 浏览
0 赞好
0 留言
药膳农场鸡米线
34 浏览
0 赞好
0 留言
食到中途，个口太辣想嗌支汽水饮，回头一望，同阿姐讲，佢企正喺我后边，但系完全唔俾反应我，过咗2分钟我再问佢，佢竟然话「得啦听到，好多单啊好忙啊，转头啦转头啦」。
总括而言，我觉得佢系一间比真正俾侍应「耽误」咗嘅米线/面店。坦白讲，以阿姐嘅服务质素，喺2023年饮食业刚刚复苏嘅中环，难言合格，唔计佢中途讲咗几句粗口，虽然唔系对住我讲，但系足以令人客或者游客感到十分厌恶。
我衷心希望佢唔系家族式经营，有空间将呢一位四眼卷发阿姨果断裁掉，以挽救佢店舖嘅服务形象于垂危。补多一句，如果人手唔够，有自知之明就唔应该接外卖单，待慢堂食嘅客人，然后鸡手鸭脚咁样，做又做唔切，客人叫又十问九唔应，此情此景不但令人倒胃口，而且十分丢脸。
喺「说好香港故事」论调大行其道嘅时代，呢间位于和安里嘅食店，位处兰桂坊边陲，理应是香港饮食业形象的前锋。可惜有呢个阿姐作为害群之马⋯⋯佢系呢个岗位难尽本分，应趁早另谋高就。
有佢喺度一日，我谂我唔会帮衬第二次。
张贴
