好德來小籠包店 (已結業)

约咗人喺佐敦但又未够钟 咁想坐下见到一间写住小笼包专门店即刻吸引到我眼睛... 因为从小我都好喜欢食小笼包 真系品尝过好多地方嘅 小笼包.... 最正𠮶次就梗系喺上海喇.. 讲返正题入到去点一个小笼包48蚊 正常价钱ok啦 如果蟹粉小笼包呢就32蚊一个 经济麻麻地我就唔尝试住啦 每次最少要点两个嘅 佢嘅小笼包都好快上到枱我谂大概十分钟之内 相信应该有啲系热定咗 蟹粉有机会 系即时蒸熟嘅但我未试过好啦讲返正题呢度嘅小笼包 外观呢真系麻麻地 因为上枱嘅时候呢穿咗 可能咁啱呢一个啦， 咁但系食落去又好正㖞 味道稍为系重啲嘅 里面嘅馅呢亦都比较肥 所以钟意重口味肥腻少少就适合啲 但系佢一个 味道同质感我会畀到七分， 喺香港嚟讲呢 系好高水平 食食下先睇都有最低消费一个人70蚊 呢一样嘢就差少少 我夹硬就饮多支豆浆啰 咁但系店员系非常有礼貌 而且提醒我 豆浆需要当天饮用因为没有防腐剂 即系新鲜嘢嚟㗎㖞 总括嚟讲下次都会再嚟 试下个蟹粉