The Joomak (已結業)

最近友人告知我想食素食，咁啱经开海港城一间韩式餐厅，门口有个餐牌写住逢星期一有个90分钟嘅素食放题，好似几得意咁，所以入去试下！入去见到其实都几多嘢食，之后点咗几样就冇再点，因为食物嘅份量都几多，费事食唔唒。炸素鱼腐基本上系冇味嘅，外皮炸得唔多香脆，但内里的确系软腍嘅，而且亦有松软嘅感觉，同埋表面辣辣地，都有少少惹味嘅。麻药薯条份量真系几多，薯条炸得啱啱好，好靓嘅金黄色，够唒香口，加埋表面有啲芝士粉，钟意芝士嘅人一定劲like.素泡菜芝士薯条成碟嘢乱唒大龙，唔知食紧乜，泡菜味同芝士味撞唒，唔够热嘅话仲得人惊。羽衣甘蓝煎饼煎得够薄，够脆口，唔会厚到成饼嘢咁，加埋有啲杞子喺里面，都几得意。健营藜麦沙律呢个啲料真系几新鲜，仲有芒果同牛油果，食完即刻觉得自己健康咗。