影片
更多
2020-01-17
46 浏览
天气成日反常，忽冷忽热，冻嘅时候食番碗热辣辣嘅面暖暖胃。之前上网成日见到有间拉面店好特别有大大碗拉面食，于是就带埋朋友去试下，因为佢都系一个拉面达人我地就叫左2款好有特式嘅拉面，一个系特别巨，另一个系口味特别，当然食拉面加埋野饮先够喉，我地就叫左可乐同绿茶特级白汤(大)：相当够霸气，份量系超级超级大碗，黎到已经霸左半张枱，碗边铺满哂一片片日式叉烧，汤汁呈奶白色，饮落去有浓郁嘅豚骨味，甘甜顺口，拉面煮到岩岩好，几弹牙，面嘅份量真系够哂多，唔洗再额外加面底，溏心蛋有一只，入口有卤汁味，整得好入味，呢碗拉面入面嘅所有材料都系重量级。黄金味噌拉面：每日期间限定拉面咁巴闭就要食下先讲~ 上面有丰富嘅配料，分别系肉酱、叉烧、菜、福袋等等，味噌汤底甜咸中带点微辣，令人想一啖接一啖咁饮，仲有一个手掌心咁大嘅腐皮福袋，入面包住生姜、粉丝、葱花等等，腐皮吸满左汤汁，好好食。叉烧好嫩滑，大片之余仲肥瘦适中，呢碗拉面搭配左粗面，挂汤力十足。香炸鸡软骨饺子：即叫即炸，包住左丰富嘅鸡软骨馅料，食落口会食到鸡软骨嘅口感，点上沙律酱，酸酸甜甜，中和番炸物中嘅油腻感，呢款小食一啲都唔heavy，边食拉面边食饺子好有快感
我地就叫左2款好有特式嘅拉面，一个系特别巨，另一个系口味特别，当然食拉面加埋野饮先够喉，我地就叫左可乐同绿茶
特级白汤(大)：相当够霸气，份量系超级超级大碗，黎到已经霸左半张枱，碗边铺满哂一片片日式叉烧，汤汁呈奶白色，饮落去有浓郁嘅豚骨味，甘甜顺口，拉面煮到岩岩好，几弹牙，面嘅份量真系够哂多，唔洗再额外加面底，溏心蛋有一只，入口有卤汁味，整得好入味，呢碗拉面入面嘅所有材料都系重量级。
黄金味噌拉面：每日期间限定拉面咁巴闭就要食下先讲~ 上面有丰富嘅配料，分别系肉酱、叉烧、菜、福袋等等，味噌汤底甜咸中带点微辣，令人想一啖接一啖咁饮，仲有一个手掌心咁大嘅腐皮福袋，入面包住生姜、粉丝、葱花等等，腐皮吸满左汤汁，好好食。叉烧好嫩滑，大片之余仲肥瘦适中，呢碗拉面搭配左粗面，挂汤力十足。
香炸鸡软骨饺子：即叫即炸，包住左丰富嘅鸡软骨馅料，食落口会食到鸡软骨嘅口感，点上沙律酱，酸酸甜甜，中和番炸物中嘅油腻感，呢款小食一啲都唔heavy，边食拉面边食饺子好有快感 。
自家制番薯脆波波：番薯波波上面洒上糖霜，食落口有满满嘅番薯蓉，够哂真材实料，入口即溶，散发香甜嘅番薯香味，味道天然。
呢间特式拉面店果然无令我两个大跌眼镜，样样都系佳品，去尖沙咀聚旧又揾到好野食~
张贴
