鮨石 (已結業)

话说母亲大人同父亲大人去咗日本，呢几日WhatsApp长期比佢哋嘅食物洗版，所以我都揾咗一间大获好评嘅寿司店怀缅吓！✨先付日本超甜蕃茄配淡雪盐、北海道濑尿虾、豆腐汤页；汤页加上咗师傅悉心挑选嘅自家酱汁，入口好夹且黄豆味出众。✨刺身三点青森县海胆肉身好厚肉，味道相对浓郁一啲；生蚝先要蒸2分钟，令到外皮相对脆身，入口带点creamy，蚝身一分为二同样肥美，加上咗黑胡椒更加能够做到提鲜嘅效果；势子蟹蟹肉嘅外籽同内籽都极度澎湃，衬上用蟹壳特意调配嘅芡汁，添一份湿润感，蟹味亦确系浓郁，可以自行将三者搅拌再进食！✨向付刺身三点鲛鱼、 木江茨鱼、萤光鱿鱼🦑最特别肯定呢一个酥炸木江茨鱼，鱼肉炸过后依旧带有水份，内脏部份都唔会特别苦涩，真正可以由头食到落尾；萤光鱿鱼加上蛋黄醋一解腻口；鲛鱼鱼味特出！✨寿司七贯石湖鲷衬上蒜子豉油，口感爽弹得过份，油润度充足；黑北寄贝份外鲜甜，口感偏向爽脆；赤身、中拖罗色泽明显见到分别，鱼味浓重；地金木鲷、池鱼比喺一般食到嘅爽嫩；白海胆绝对系精华所在，油润又清甜再包上紫菜，真系垂涎三尺，念念不忘。✨止捥餐厅自己煲煮，用上白神山鸡肉🍗味道清甜浓香！✨毛蟹烧卖一拎出嚟真系吓亲，