影片
更多
2025-01-16
0 浏览
年尾开始多聚会，咁多人聚埋一齐真系好难谂食喵好！呢个又唔啱𠮶个又唔啱，呢个又唔够𠮶个又太多🤣🤣所以一定系食放题自助餐，想叫咩食几多都得。当然，年尾唔可以亏待自己，一定要食餐好，犒赏下自己！小编今次就嚟到有口碑保证嘅牛大人，叫咗佢嘅嘅新套餐，一于食尽佢！😁😁120分钟日本A4黑毛和牛火锅放题 正价时段成人$488 小童$34821:00-23:00入座 $4687:30前离座/23:00后入座 $448（包括加一服务费）(六日假期另加$10)汤：牛大人秘方麻辣汤好钟意佢哋嘅汤底够浓味，辣味啱啱好，麻香亦唔系就咁倒麻椒油𠮶种唔自然嘅麻，而系用真正麻辣煲出嚟嘅香味。好多时唔使点酱都够味～·火锅料：日本A4黑毛和牛小编就系为试呢个而嚟，但上到枱仍然有啲吓亲，因为平时啲放题无论你叫几贵，啲肉都系有啲岩岩巉巉。但呢度𠮶啲真系俾返呢个价嘅嘢你，油花靓到好似雪花咁，而且厚薄适中，咬落去非常软嫩，油香四溢。团聚聚会绝不失礼，牛大人果然系有品质保证～澳洲和牛M5牛肩卷A4和牛当然好食，但食多都会觉得腻，推介大家叫呢个换下口味。牛肩冇咁多脂肪，反而以肉味取胜，但又唔会过干过韧。伊比利亚黑毛猪梅肉伊比利亚猪
120分钟日本A4黑毛和牛火锅放题
正价时段成人$488 小童$348
21:00-23:00入座 $468
7:30前离座/23:00后入座 $448
（包括加一服务费）(六日假期另加$10)
汤：
牛大人秘方麻辣汤
好钟意佢哋嘅汤底够浓味，辣味啱啱好，麻香亦唔系就咁倒麻椒油𠮶种唔自然嘅麻，而系用真正麻辣煲出嚟嘅香味。好多时唔使点酱都够味～·
火锅料：
日本A4黑毛和牛
小编就系为试呢个而嚟，但上到枱仍然有啲吓亲，因为平时啲放题无论你叫几贵，啲肉都系有啲岩岩巉巉。但呢度𠮶啲真系俾返呢个价嘅嘢你，油花靓到好似雪花咁，而且厚薄适中，咬落去非常软嫩，油香四溢。团聚聚会绝不失礼，牛大人果然系有品质保证～
澳洲和牛M5牛肩卷
A4和牛当然好食，但食多都会觉得腻，推介大家叫呢个换下口味。牛肩冇咁多脂肪，反而以肉味取胜，但又唔会过干过韧。
伊比利亚黑毛猪梅肉
伊比利亚猪大家都识，环境好饲料优良，唔会有猪骚味，仍唔会过度催肥缺乏活动，令肥瘦不均。更何况佢系梅头肉，肥瘦比例最靓。肉味较出又易咬。
海鲜拼盘
总有啲朋友特别钟意海鲜，呢个餐啱晒佢哋。元贝同鲍鱼够晒大只，鲜味十足。
澳洲M9和牛牛丸
牛味好香，而且唔会太硬太难咬，仲好多汁，推介～
仲有响铃、墨鱼滑、油炸鬼都系小编次次都会叫嘅火锅料，大家记得试下。
小食：
同火锅海鲜一样，小食都继续可以任食海鲜。最抵食一定系鲍鱼三吃，包括古法醉鲍鱼、炭烧盐葱鲍鱼同柚子烧汁鲍鱼，醉鲍酒香入味，盐葱同烧汁外层都系经炸过，口感丰富。不过小编分享一个食法，盐葱鲍鱼拎去麻辣汤灼一灼，等个炸皮吸咗阵味都好正。
另外小编次次嚟牛大人都会食盐酥鸡同台式香肠，香肠配埋蒜片，够正宗够重口，正呀。
甜品：
牛大人依家同KITKAT联乘，有得任食脆皮雪糕批，佢哋嘅脆皮有一粒粒KITKAT碎，朱古力香甜之余，仲有少少威化饼嘅口感，口感好正！至于入面系威化味雪糕(?)，小编就唔系好联想到，但奶味几重，系略嫌甜咗少少。甜品仲有Movenpick、仙草等等，中西兼备，总有一个啱口味。
自助吧：
呢度嘅酱料、蔬菜要丸同饮品都系自助形式，蔬菜有好多唔同款，任君选择。不过小编介绍大家试下叫（唔系拎）水莲，水莲系台湾特色蔬菜，非常爽口，不过有重太特嘅青味，值得一试。丸就推荐芋头贡丸，真系有一粒粒芋头，而且系粉的！好好食！饮品最正一定系佢哋嘅冷泡茶，小编最爱桂花乌龙，桂花超香，而且冷泡茶可以解腻，随时再战和牛！当然，佢哋都有汽水，亦可以落单叫手打柠檬茶同珍奶。两个虽然唔算好好饮，但都可以止下手摇瘾。
张贴
