台北倆伴

营业中

休息中

之前去围方见呢间食店门外咁多人等以为系好野嚟，今日见无咁多人谂住试吓，点知系贴钱买难受。我哋点左一个便当，一个牛肉面，蛋饼同2杯饮品。牛肉面点完5分钟都未够就嚟到，快到令人吃惊，味道正常。便当等左一阵都到左，肉燥有点甜，焢肉有点干，食到痴牙，2旧鸭血无味，质感一般，庆幸无单叫鸭血。2杯饮品不过不失，无期望无失望。到接近半个钟份蛋饼都未见，谂住要1个钟交枱就同职员讲野食仲未到，点知果个戴眼镜唔知系店员定店长嘅男人就话好多人都叫左蛋饼，呢样野系得一个人做，系要耐啲架喇，佢语气好似我催左佢好多次咁，搅到隔离几枱人都望住我哋，令我地非常尴尬，我地再等多十分钟都唔见就直接行出去埋单取消个蛋饼就算，费事好似求佢比野我地食咁。呢间野无下次。