膳德福素食 (已結業)

以下所讲嘅完全系我亲身经历，亲眼望见。话说当日等左接近30分钟，跟住被安排坐去厨房旁嘅位置，果度系分左２个厨房，一个系开放式应该系整炸物同埋寿司等等嘅食物，另一个厨房系整热食嘅。当时都感觉不太良好，因为见到整寿司嘅位置同埋走廊位都唔太干净，咁都冇理咁多，同朋友拣野食，跟住我同朋友叫左一碟软壳蟹卷，一个南乳斋煲，一个白饭，喺等候期间其实一直见到整寿司嘅师傅徒手周围摸，无论去雪柜还是拎D咩都系徒手去拎，最大问题系佢整寿司嘅时候系无带手套，我心谂其实出面食野应该好多都系咁，只系眼看不见为干净，咁就算啦照食。戏肉嚟喇，徒手整寿司嘅师傅行出寿司厨房去雪柜拎一D类似系一块一块薯饼物体嘅炸物出黎，佢拎唔实跌左一块落地，挞地块地毯系劲污糟.....，我咁啱望到，我见住佢将跌左落地果块炸物若无其事咁拎起，放返入寿司枱度，过左一阵，我见到佢拎住块炸物同炒𩠌厨房嘅一位师傅徒手交收，就好似田径比赛交棒咁样嘅方式交法，我果下O左咀，其实我相信出面食野好多时都会咁样，唔好浪费丫嘛，但系亦都好希望做食肆嘅都注意下卫生，Ｄ野系食落人口，如果有咩事都会系损人亦不利己。