Passion (利東街)

营业中

休息中

今日下午我们喺湾仔附近做完嘢之后去咗利东街谂著揾吓有咩食？行行吓见到有间之前喺朗豪坊食过觉得几好嘅「Passion by Gerard Dubois」，所以我就入咗去食下午茶！我们叫咗忌廉粟米汤相当香浓，浓稠度亦恰到好处，唔会过稠或过稀！巴马火腿凯撒沙律嘅沙律菜非常清甜爽脆，而且超新鲜，而巴马火腿好软滑薄身，味道亦好芳香浓郁，而且份量相当多，真系好足料抵食呀！印式烤鸡芝士蛋系我们喺餐牌点餐𠮶阵见到系新推出嘅，而且觉得几特别，所以就叫咗嚟食，一上碟𠮶阵见到实物同原图一样，馅饼焗得好香气扑鼻，而且相当脆身，一切落去就感觉到超脆卜卜，至于馅料方面舖面就有只煎蛋同烤鸡肉，而饼入面就有香甜嘅洋葱，仲有芝士等等等等⋯⋯质感好软熟，令到食落嘅质次感相当丰富！手撕猪肉全麦玉米薄饼系用咗玉米粉嚟做饼底，所以会比平日食开𠮶啲更加薄脆松化，而且唔会好干身，芝士嘅质感好软滑香口，舖面嘅手撕猪肉肉质都几松软！