金源餐廳

营业中

休息中

一份午餐包括四样嘢：即炒小菜、热辣辣白饭、唔系味精加水例汤（卖晒就冇）、有茶香的奶茶。食晒真系超饱，之后醒目带埋饭盒嚟。试过椒盐猪扒（好够味，可惜猪扒一啲硬，一啲稔）、味菜银芽炒牛肉（酸甜惹味，牛肉唔系发粉牌）、芹菜萝白炒猪肉（劲多萝白，芹菜得几条实在太少喔）。例汤唔系水还水、渣还渣，够热，饮完唔口渴，少盐更加好。如果饮开奶茶少奶的，唔使再特登叫少奶。呢个餐有个特别名称叫开心餐，佢确实做得到。有选择困难唔知食咩好，店员冇催快落单，亦冇催交枱。试埋早餐，牛油厚多士够脆够热有面包香，米线多𩠌仲有条菜咁健康，已经成为自己的快乐早餐。