四季芬芳

营业中

休息中

行经餐厅，见到入面嘅装修好有格调，行中式怀旧风，而且菜单又加入唔少创新元素，于是就入去试下。虽然以食蛇为主，但其实有好多唔同嘅菜式选择，唔食蛇嘅朋友都可以一试。唔讲唔知，蛇肉有好高营养价值，四季都可以食用。餐厅用QR Code落单，Menu 内有前菜、点心、小菜、特色饮品、炖汤同蛇羹等等。 由于朋友唔食蛇所以今餐就冇叫到相关菜式。灌鸡汤百花丸卖相好似一粒荔枝，咬落爽口弹牙，味道鲜。黑松露小笼包味道唔错，黑松露味突出，小笼包插住一支醋，将醋注入小笼包内同里面嘅肉汁混合埋一齐，相当有惊喜，我都系第一次咁样食。蟹粉虾仁蟹粉份量超多而且仲有蟹肉响里面，虾仁爽口，非常鲜味。香辣半筋半肉汤面香味扑鼻，牛腩同牛筋都炆得好入味，配合埋汤底及配料一齐食，真系唔错。招牌双式蟹粉蟹膏捞面好有特色嘅一道菜，蟹粉嘅鲜味加埋蟹膏嘅咸香，配合温泉蛋、蟹子同葱丝，令味道更丰富，口感更有层次。