影片
更多
2023-04-02
72 浏览
好多人问我，系公司有冇食蛇食到怕，因为又躁又热，剩系冬天先食得，记得旧年试过一星期系公司食三日蛇，基本上完全无任何唔好嘅感觉，食完仲完好暖好满足。上星期食左四季芬芳个新菜式，燕窝蛇汤炖节瓜盅拼紫椰菜腊味粒蟹肉蛋白炒饭，呢个绝对适合一年四季食。以「蛇王芬」的经典蛇羹作为基本，佢嘅蛇汤用上蛇骨、鸡肉、猪肉等新鲜食材煮左半日，之后再用节瓜去瓜肉，加入带子、虾仁、瑶柱和袪湿的生熟薏仁等，仲有润肺滋阴嘅燕窝，绝对系好适合春夏闷热嘅天气食，疏肝解郁又不燥。另外配搭嘅腊味粒蟹肉蛋白炒饭，炒得爽口得很，减低腊肠的油腻感，每啖都叫有蟹肉同蛋白，又唔会好油，饮完个汤再食个饭就超满足。新的太史蛇羹酥都真系眼前一亮，蛇羹汤水凝固成为啫喱肉冻，用酥皮包起并炸到金黄色，外层香脆可口，好似食紧一件蛇羹咁。前菜食左个药膳醉乳鸽王，话系呢度嘅signature ，吃下去就知，药膳同酒嘅crossover ，好入味，而且乳鸽虽然不似好大只，但好有肉地。当日仲食左几个新点心，翡翠芦笋饺、红菜头素饺、菊花虾饺、太子参带子饺全部都有不错的表现。菊花虾饺用菊花做皮，虾又够大只。太子参带子饺，我最爱，珍贵又系最传统嘅虾饺味。翡翠芦
上星期食左四季芬芳个新菜式，燕窝蛇汤炖节瓜盅拼紫椰菜腊味粒蟹肉蛋白炒饭，呢个绝对适合一年四季食。以「蛇王芬」的经典蛇羹作为基本，佢嘅蛇汤用上蛇骨、鸡肉、猪肉等新鲜食材煮左半日，之后再用节瓜去瓜肉，加入带子、虾仁、瑶柱和袪湿的生熟薏仁等，仲有润肺滋阴嘅燕窝，绝对系好适合春夏闷热嘅天气食，疏肝解郁又不燥。
另外配搭嘅腊味粒蟹肉蛋白炒饭，炒得爽口得很，减低腊肠的油腻感，每啖都叫有蟹肉同蛋白，又唔会好油，饮完个汤再食个饭就超满足。
新的太史蛇羹酥都真系眼前一亮，蛇羹汤水凝固成为啫喱肉冻，用酥皮包起并炸到金黄色，外层香脆可口，好似食紧一件蛇羹咁。
前菜食左个药膳醉乳鸽王，话系呢度嘅signature ，吃下去就知，药膳同酒嘅crossover ，好入味，而且乳鸽虽然不似好大只，但好有肉地。
当日仲食左几个新点心，翡翠芦笋饺、红菜头素饺、菊花虾饺、太子参带子饺全部都有不错的表现。
菊花虾饺用菊花做皮，虾又够大只。
太子参带子饺，我最爱，珍贵又系最传统嘅虾饺味。
翡翠芦笋饺用上新鲜猪肉、鸡髀菇、秀珍菇及芦笋切碎，加上饺皮晶莹翠绿，又靓又精美。
红菜头素饺同样因红菜头而抢镜，唔系好食咁简单，仲要滋补肝肾，养肝明目。
黑芝麻豆沙包同橙皮蓉柑桔包、又系打卡好正。前者系甜品，后者系外层脆内层有肉汁同热辣辣嘅馅料，都系好嘅点心。
剩系呢啲新野，就算食过都要再访一次，对吗？
张贴
