四季文昌 (已結業)

天气好冻，朋友介绍之下带咗我过嚟旺角呢一间海南鸡火锅，原来呢一间系新开嘅！系而家时下最流行嘅椰子火锅！真系好好奇甜甜嘅椰青汁点样可以做汤底！店入面环境好大，行一嘅七点几来到已经爆满。店员好快就将汤底同埋来自海南岛嘅鸡送过来！汤底系用两个椰青加1个椰皇制成，无加水，所以好甜！将鸡件放落去，鸡吸收左椰青嘅甜味，而且鸡肉本身好嫩好滑！估唔到咁好食！煲完鸡之后汤底份外清甜！我同朋友完全将汤底饮晒！饮完椰青鸡汤后，店员送上面包蟹海鲜蕃茄汤底！一次火锅有两个唔同食法！ 蕃茄汤底酸酸甜甜好开胃！海鲜有大量嘅蚬，青口，花甲，好甜好新鲜！日本山形A5和牛肉眼，超有咬口，牛味又浓又甜！而且脂肪分布均匀，好滑好香！灼熟后点一下鸡蛋甜豉油，好好食！佐贺A5和牛牛肩肉脂肪分布均匀，入口之后有少少溶嘅感觉！牛味香又甜！一点也不韧！饮品方面有好多选择，我哋要咗椰青同埋青柠梳打！好大杯又解渴！打边炉虽然好热气，不过有咁多椰青椰皇，热气自然清哂！又够滋润！感觉好正！呢度仲有好多海鲜嘅选择，下次同朋友再嚟一定要再试下！呢度嘅牛肉真系一流！价钱唔贵仲有好多套餐嘅选择！