影片
更多
2023-08-05
25 浏览
之前同朋友喺大陆试过呢种四川串串，觉得几好食想encore，于是就喺OpenRice揾到呢间四川串串放题，价钱合理并唔太贵，于是决定一试，都几物超所值。 放题分三个时段，成人最平$208 加一，最贵嘅时段就$248 加一，星期一至日同价。餐厅面积较小，只有大约20几个座位，我哋去到嘅时候只剩两张枱，所以最好事先book定。Menu系简单嘅两页落单纸，原来除咗放题外，亦可以散叫，或者有一个$328嘅二人套餐都非常扺食吸引，但因为我哋已经留肚做足准备，所以都系拣咗放题。串串嘅选择，有超过40种，亦有超过10种嘅风味小食同饮品可供选择，全部都系任饮任食，真系好抵。 先来介绍风味小食：棒棒鸡：呢个系厨师推荐，而事实上亦都真系几好味，佢其实系麻酱鸡丝青瓜，芝麻酱嘅份量好足，味道好够，青瓜丝好爽口清甜，鸡肉都几嫩，成个小食口感味道都好好，食落好开胃，食食吓辣嘢食佢亦都可以中和下辣度解辣。凉拌海带丝：海带丝食落口感几好，好柔软脆爽，辣得黎又好爽口，令人不停食完又食。香辣无骨凤爪：个酱汁好惹味，无骨凤爪细细只容易进食，凤爪亦都好入味。上汤娃娃菜：呢个本身只系叫黎想减低罪恶感，因为其他嘢食好似都好
放题分三个时段，成人最平$208 加一，最贵嘅时段就$248 加一，星期一至日同价。餐厅面积较小，只有大约20几个座位，我哋去到嘅时候只剩两张枱，所以最好事先book定。
Menu系简单嘅两页落单纸，原来除咗放题外，亦可以散叫，或者有一个$328嘅二人套餐都非常扺食吸引，但因为我哋已经留肚做足准备，所以都系拣咗放题。
串串嘅选择，有超过40种，亦有超过10种嘅风味小食同饮品可供选择，全部都系任饮任食，真系好抵。
先来介绍风味小食：
棒棒鸡：呢个系厨师推荐，而事实上亦都真系几好味，佢其实系麻酱鸡丝青瓜，芝麻酱嘅份量好足，味道好够，青瓜丝好爽口清甜，鸡肉都几嫩，成个小食口感味道都好好，食落好开胃，食食吓辣嘢食佢亦都可以中和下辣度解辣。
凉拌海带丝：海带丝食落口感几好，好柔软脆爽，辣得黎又好爽口，令人不停食完又食。
香辣无骨凤爪：个酱汁好惹味，无骨凤爪细细只容易进食，凤爪亦都好入味。
上汤娃娃菜：呢个本身只系叫黎想减低罪恶感，因为其他嘢食好似都好辣好唔健康，所以想叫个菜中和下，但点知佢系好好食，个汤底好鲜甜，娃娃菜亦都好鲜嫩，吸收晒成个汤底，食落非常清甜。
藤椒鸡软骨：呢个系另一道我觉得好好食嘅风味小食，鸡软骨好爽脆，藤椒嘅味道好神奇，就系食落口会会觉得充满麻辣味，但实际上并唔麻又并唔辣，真系好神奇，特登上网search先知，因为藤椒佢嘅特性就系麻味绵长但刺激性低，呢种清新嘅麻辣味令人忍唔住食过不停，鸡软骨一粒接着一粒咁食。
水煮麻辣猪红：猪红被辣汁充分浸泡，所以麻辣味十足，而且猪红质感实净，唔会一夹即散。
老成都杂酱面（干拌面)：第一次食呢种成都特色面，一上枱见到个卖相时，心谂咁普通嘅？点知食落几有惊喜，口感弹牙有咬口，炸酱味道酸酸甜甜，味道好香，口感唔油腻，食落觉得好开胃。
主角出场：店员捧住一大碗串串上枱，汤底好热辣辣。原来我哋不知不觉叫咗咁多串，咁多串放埋一齐真系好打卡able，辣度方面我哋拣咗小辣同正常麻，不得不赞赏师傅嘅串串手势，我哋叫咗咁多串，无一串甩岀黎，每一串一拎起就食得。
由于叫咗太多款，实在不能尽录，只可以抽几款介绍。
猪颈肉：上面铺满孜然粉同辣味粉，麻辣感十足，肉质爽脆。
鲜鱿鱼：弹牙有咬口，虽然充满辣味，但都掩盖唔到佢本身嘅鲜味。
黑木耳：浸泡喺麻辣汤中令木耳吸收晒麻辣汤底，爽口得来辣得过瘾。
娃娃菜：依然鲜嫩，同上汤版形成咗强烈对比，吸收晒辣汤嘅精华，辣味丰厚。
鸡肉：呢个几有惊喜，因为正常鸡肉浸泡喺汤底太耐，就会变得好韧好鞋，但呢度嘅鸡肉依然鲜嫩，吸收晒麻辣汤底味道嘅同时，亦保留住鸡肉原有嘅鲜味
泡椒牛肉：肥牛包住一条泡椒，辣度十足，一啖咬落去，泡椒入面嘅酸辣汁喷出嚟， 味道口感相当唔错。
仲有好多，鹌鹑蛋、炸鱼蛋、午餐肉、莴笋、竹笋等等，我就唔逐一介绍了⋯
成都老冰粉：冰粉晶莹剔透，冰凉入心，配上甜甜嘅葡萄干、山楂等等，味道清甜，夏日必食推介，亦非常解辣解腻。
张贴
