影片
更多
2020-11-06
73 浏览
作为一个经常喺西营盘出没嘅人，我成日都会路过呢间餐厅。而我咁钟意食川菜，每次路过都好想试。今次终于有机会同朋友去食呢间川菜，好开心。店员介绍水煮鱼、酸菜鱼、辣子鸡同埋饺子都系呢到嘅招牌菜。但因为得两个人，就拣左水煮鱼同埋辣子鸡啦。🐥辣子鸡 $158一上碟𠮶阵都呆左一呆，因为冇谂过会系咁大碟。入面嘅鸡粒都唔少，炸得香脆可口，有姜蒜辣椒一齐炒，好香。不过因为炸得好香脆，食啲鸡𠮶阵记得要小心碎骨啊。辣到啱啱好，唔会太辣，所以唔会掩盖香味。🎣水煮鱼 $188有水煮鱼同水煮桂花鱼拣，店员话水煮鱼系冇骨嘅冰鲜鱼柳，水煮桂花鱼就系新鲜桂花鱼，有啲骨嘅。新鲜桂花鱼就当然系靓啲啦，不过因为朋友唔钟意吐鱼骨，所以最后拣咗无骨嘅水煮鱼。辣子鸡已经够大碟㗎啦，点知水煮鱼上枱𠮶阵仲震撼。好大碗。入面有好多红薯宽粉同埋芽菜，全部都煮得好入味。望落以为啲鱼片唔系好多，点知食落发现食极都食唔晒，食极都仲有鱼片。好抵食。个辣度应该好多人都可以接受到，辣辣地，咸咸地，好食。食水煮鱼有红油就无可避免㗎啦，但呢度嘅红油唔会过多，感觉都适中。🍚白饭 $15店员话食水煮鱼可以配饭、面或者饺子都OK。但因为个人喜好钟意食川菜𠮶阵有
店员介绍水煮鱼、酸菜鱼、辣子鸡同埋饺子都系呢到嘅招牌菜。但因为得两个人，就拣左水煮鱼同埋辣子鸡啦。
🐥辣子鸡 $158
一上碟𠮶阵都呆左一呆，因为冇谂过会系咁大碟。入面嘅鸡粒都唔少，炸得香脆可口，有姜蒜辣椒一齐炒，好香。不过因为炸得好香脆，食啲鸡𠮶阵记得要小心碎骨啊。辣到啱啱好，唔会太辣，所以唔会掩盖香味。
辣子鸡
$158
10 浏览
0 赞好
0 留言
🎣水煮鱼 $188
有水煮鱼同水煮桂花鱼拣，店员话水煮鱼系冇骨嘅冰鲜鱼柳，水煮桂花鱼就系新鲜桂花鱼，有啲骨嘅。新鲜桂花鱼就当然系靓啲啦，不过因为朋友唔钟意吐鱼骨，所以最后拣咗无骨嘅水煮鱼。
辣子鸡已经够大碟㗎啦，点知水煮鱼上枱𠮶阵仲震撼。好大碗。入面有好多红薯宽粉同埋芽菜，全部都煮得好入味。望落以为啲鱼片唔系好多，点知食落发现食极都食唔晒，食极都仲有鱼片。好抵食。
个辣度应该好多人都可以接受到，辣辣地，咸咸地，好食。
食水煮鱼有红油就无可避免㗎啦，但呢度嘅红油唔会过多，感觉都适中。
水煮鱼
7 浏览
0 赞好
0 留言
🍚白饭 $15
店员话食水煮鱼可以配饭、面或者饺子都OK。但因为个人喜好钟意食川菜𠮶阵有饭食，所以拣咗叫两碗白饭。啲水煮鱼真系好送饭，正。始终都系觉得白饭同水煮鱼先系perfect match。
🍧桂花冰粉 $0
本身冇叫到桂花冰粉，食饭食到一半嘅时候，店员突然送上两碗桂花冰粉，好惊喜。原来喺呢度食晚饭，每位都会送一碗桂花冰粉。食到觉得有啲口渴或者有啲辣嘅时候，可以食一啖桂花冰粉。呢碗桂花冰粉真系好解渴，又好解辣。食川菜必备。
桂花冰粉
10 浏览
0 赞好
0 留言
最后，因为我哋食得比较夜，成为左呢度最后一台客。所以埋单𠮶阵，撞正老板娘收舖，就同老板娘倾左几句。原来老板娘系四川人，咁呢度嘅川菜一定好正宗啦。老板娘话因为要迁就香港人口味，所以将辣度调低左。因为我哋冇特别话要辣啲或者小辣，所以啱啱嘅水煮鱼同辣子鸡会系呢到嘅正常辣度，不过对四川人黎讲就会系小辣。同埋呢度比起其他四川菜嘅餐厅，用嘅油比较清少少同埋系靓啲嘅油，系同正宗四川菜用嘅油会贴近少少。听完之后，就更加觉得呢餐食得好抵啦。
另外原来呢度嘅菜可以拣要辣啲或者麻啲㗎。大家有preference𠮶阵可以落单𠮶阵同店员讲埋。
张贴
