川莊

营业中

休息中

无辣不欢嘅我点可以唔嚟呢间川庄试食佢哋新出嘅烤鱼四川风味，初时喺网上睇广告已经好吸引，初时以为食物盒咁大，点知原来真系好大份，因为多数都系酸菜鱼一款口味，不过佢用咗烤炉将条鱼上枱，同埋可以自由配搭选择佢哋嘅辣度，麻度同鱼类品种，口味仲有：浓郁蒜香嘅香辣金蒜烤鱼，传统风味酸辣鸭血烤鱼，酸辣层次丰富嘅酸菜泡椒烤鱼，辣得够过瘾嘅水煮麻辣豆花烤鱼，四种口味选择。佢哋提供嘅茶🍵品仲系百宝茶消滞又解渴。我就选择咗用「江团鱼」煮嘅酸辣层次丰富酸菜泡椒烤鱼再加鸭血同木薯粉条配菜酸味香浓，酸中带辣，一闻到已经非常之开胃，再煲埋滑溜嘅「江团鱼」，鱼肉细嫩，简直回味无穷，唇齿留香，食鱼嘅同时，仲可以将配菜鸭血同木薯粉浸喺汤底度，食鱼后就已经可以即刻享用。