唯一麵家

营业中

休息中

每日放工经过葵涌广场都见到唯一面家店内人山人海，得知呢间店经营多年，仍然屹立不倒，食物一定有番咁上下质素，而且价钱唔算贵，就入去食个下午茶，餐牌选择多，菜饭、客饭、炒年糕、汤面、小食等等……小食点咗个北京馅饼，外皮够薄，韭菜猪肉馅够多，肉汁丰富，味道够浓郁。重点推介系四川担担面，大大碗足够两个人食，汤底有大量肉碎花生同麻酱，每一啖都食到附上麻酱嘅面条，汤底够浓郁，面条煮得够爽滑。饮品点咗个冻豆浆，可惜唔够味道，有待改善。下次会再嚟试下其他食物。