雲長小龍坎老火鍋 (已結業)

想试下正宗四川麻辣火锅既人，而家系香港都可以试到了，自听到云长小龙坎会系香港开，就已经想去，等左一段时间终于约到朋友一齐去，一入到去环境装修同四川接近一样，好似真系去左四川一样。汤底当然系要红油麻辣锅，但因为有朋友怕太辣，所以另一边要咗个唔辣既汤底，大家记得要试下当地既油碟，当地人多数系用油碟及干碟，而唔系香港平时用既豉油碟，油碟同麻辣好夹。食麻辣火锅，当然要食啲容易索到汤既食材。食材摆碟好有心机，冬瓜乌冬好易入哂味而且好滑，功夫土豆切得好薄，煮一阵就入哂味。鸭血唔易散口感好，毛肚好有咬口，可以慢慢感受麻辣既味道，肥牛超好食，肥瘦适中，一咬就有好浓既牛肉香，加上麻辣汤同油碟既加成，满分！总结，食完小心成身都系麻辣味，好好规划之后既行程。