十二味 (山市樓) (已結業)

平日都好多人排队，我都等左十五分钟先可以食。《人见人爱酸菜鱼》 $198《最佳拍档粉条》$28酸菜鱼+粉条真系好大碗，鱼质好滑，完全无骨，除左有鱼之外，有酸菜，菇片同埋莴笋。虽然点单纸上面只有辣同唔辣拣，但其实可以叫小辣。小辣对于我黎讲，酸辣岩岩好。粉条系滑滑透明宽面，烟烟韧轫咁，即使浸耐左都唔会软淋淋，果然系最佳拍挡。《凉拌土豆丝》$28土豆丝叫左唔辣，虽然睇落好似无咩特别，但食落好爽口同埋有点麻油味。《葱油拌面》$38有点豉油王既味道，但用上较粗既面。《哈密牛奶》$28解辣之选，一啖就可以解辣，哈密瓜味好重，有点似奶昔。