四川菜大平伙 (已結業)

呢间私房菜系餐厅同时亦都系画廊同艺术馆，好有艺术同文化气息。里面系中式传统餐馆嘅装修同布置，唔知点解睇落觉得好似外国唐人街嘅餐厅。我地叫左个中午二人套餐，因为我同朋友都唔系太食得辣，所以特别叫左所有菜嘅辣度系少辣。前菜有青瓜、花生同鹌鹑蛋。夫妻肺片牛舌同肺片都系薄切，一d都唔韧，件件都好入味，味道亦唔会太辣。蕃茄汤例汤系蕃茄蛋花汤，而且无加到糖，所以好有蕃茄酸酸地嘅个种鲜味。回锅肉回锅肉嘅猪腩肉肥瘦几适中，而且个汁调得好好味，另外又加左好多椰菜一齐炒，D菜都炒得好入味，一路食唔停！麻婆豆腐豆腐几大粒，唔会碎晒，口感软滑，酱料亦都够辣，非常惹味，用来送饭好适合！娃娃菜食左咁多浓味嘅野，一定要有道青菜可以中和返，淡淡嘅清汤更加特显到娃娃菜嘅清甜。