影片
更多
2024-10-22
2555 浏览
之前在将军澳食过小野人，佢系四川风味餐厅，有串烧同烧海鲜，另外仲有D主食，各方面都几好。而加沙田都开左分店，咁就要食吓先。餐厅好新，灯光光猛，环境干净整齐。呢度用QR code落单，我同老公每款种类都点D。小野人清酒煮蚬：蚬肉新鲜带甜味，清酒味浓，下面有个火炉keep住warm，暖暖地饮埋个清酒又几正。蒜蓉烤新鲜生蚝：生蚝大只，蒜蓉味香，好鲜味。烤辣卤猪手：猪手好淋，好多骨胶原，少少辣，咁样整味道都OK㖞。酥炸花枝墨鱼丸：刚炸起好热，咬落弹牙，点埋旁边甜辣酱仲好食。Q弹大鱿鱼：鱿鱼弹牙，无腥味，好香口。串烧：串烧已烧好，唔驶自己烧。下面个烧炉摆放左蜡烛，一路食都唔会冻晒。烤鸡软骨爽口；烤海中虾新鲜，虾肉实正；烤多春鱼都几juicy；烤小牛肉串食落带肉汁，有咬感，辣辣地，几惹味；烤鲜冬菇水份已烧干，菇味较浓。小野人黑松露蘑菇烤饭：饭烤得够焦香，里面有沙律酱汁，仲有芝士一齐焗，每口都食到有黑松露同蘑菇，好有层次感。整体味道出奇地夹，几好食。另外仲有个隐藏食法，可以用紫菜包住食添。小野人重庆酸辣粉：唔食辣唔紧要，辣度可自己拣。花生够脆好香，酸辣粉非常入味，酸酸辣辣，小辣都已经够晒惹味，我就几
餐厅好新，灯光光猛，环境干净整齐。呢度用QR code落单，我同老公每款种类都点D。
小野人清酒煮蚬：蚬肉新鲜带甜味，清酒味浓，下面有个火炉keep住warm，暖暖地饮埋个清酒又几正。
蒜蓉烤新鲜生蚝：生蚝大只，蒜蓉味香，好鲜味。
烤辣卤猪手：猪手好淋，好多骨胶原，少少辣，咁样整味道都OK㖞。
酥炸花枝墨鱼丸：刚炸起好热，咬落弹牙，点埋旁边甜辣酱仲好食。
Q弹大鱿鱼：鱿鱼弹牙，无腥味，好香口。
串烧：串烧已烧好，唔驶自己烧。下面个烧炉摆放左蜡烛，一路食都唔会冻晒。烤鸡软骨爽口；烤海中虾新鲜，虾肉实正；烤多春鱼都几juicy；烤小牛肉串食落带肉汁，有咬感，辣辣地，几惹味；烤鲜冬菇水份已烧干，菇味较浓。
小野人黑松露蘑菇烤饭：饭烤得够焦香，里面有沙律酱汁，仲有芝士一齐焗，每口都食到有黑松露同蘑菇，好有层次感。整体味道出奇地夹，几好食。另外仲有个隐藏食法，可以用紫菜包住食添。
小野人重庆酸辣粉：唔食辣唔紧要，辣度可自己拣。花生够脆好香，酸辣粉非常入味，酸酸辣辣，小辣都已经够晒惹味，我就几钟意。
饮品：台湾珍珠奶茶叫左少甜少冰，味道可以。元气森林水果茶超大杯，生果有蓝莓、百香果、柠檬、青柠同青苹果等，够冰冻，食串烧饮佢啱晒。
张贴
