豐味車仔麵

营业中

休息中

今日一早出旺角行街街，朋友带我去食车仔面，一黎到，成个装修好坚，完全想像唔到香港店竟然够胆用呢种装修风格全店装修就好似去佐一间四川地道店舖咁，唯一唔同系环境好干净同好整齐。望下个MENU ，除佐传统车仔面，仲有D 麻辣小食，钟意食辣既朋友可以试下。我点佐个传统叫车仔面必点既油面，配鱼肉春卷、金菇菜同牛腩。价钱唔算贵，同一般车仔面差唔多，四十蚊佐右三个𩠌。加十蚊8 蚊就有杯野饮。我就加佐个椰子水，无咁热气啊MA黎到个车仔面都几足料，又大碗，我唔系太食得辣，但又想试下佢个秘制辣汁，所以点佐BB辣，试落口真系唔算好辣，反而几香几开胃，特别系个种麻辣香，几正﹗𩠌方面都真系好足料，鱼春卷好大条饱满，鱼肉都几鲜，我腩好淋身，仲要大大旧，唔似好多车仔面档咁切到细细粒咁俾人食，配埋佢个秘制汤汁，绝对系一个加左川辣特式既地道车仔面。椰子水俾既系罐装椰子水，几正，因为我都怕系个D 用杯装住唔知用咩沟既椰子水，不过朋友带得我黎我都有信心﹗佢话佢经常系度食，觉得干净又有水准，黎过我都同意。其实车仔面唔需要去卖晒广告排晒队个D 所谓传统车仔面档，香港仲有好多有特式有风味既车仔面店的