影片
更多
2015-12-08
5467 浏览
今年提早兴祝圣诞，就试下珀丽自助晚餐，而且openrice最近有列印优惠卷7折，折后每人大约三百，价钱可接受。餐厅对比其他酒店地方唔大，但环境光亮，收盘服务算快，不过每张台都贴得好近，行出行入都要互相将就。食物方面都算多选择，今期有羊腩煲，肉都算多，枝竹好少。仲有德国芝士，不过要等厨师系度先有得食，所以都见到每次有人排队。门口位已经有海鲜食品，每次都好快冇蟹脚，不过都补得好快，蟹脚够鲜甜，屋企人都好钟意，其他海鲜选择有花螺、青口、虾、鱿鱼圈同埋即开生蚝(要排队，而且每次只限取两只)。另外仲有圣子热盆，好好食，每次一出都好快冇晒。至于其他热盆都唔错。有一区炸物区，煎炸都有，炸虾同茄子必食！除此之外仲有串烧区，仲有厨师即场烧。甜品方面，虽然地方不大，但款式不少，特别推介焦糖蛋、红豆糕！食自助餐最后满足一定唔会少得食雪糕，依度雪糕诚意十足，几多5星级唔知俾咩牌子雪糕，但依度系用Movenpick雪糕，而且仲有杏片，朱古力饼碎等等比你自己加。当晚仲有抽奖活动每台有一次抽奖机会，我地抽中午餐卷折扣，只可一位使用，吸引不大，有其他台抽中细樽红酒。整体黎讲算不错，食物品质可见诚意度高，奥运站步行十
今年提早兴祝圣诞，就试下珀丽自助晚餐，而且openrice最近有列印优惠卷7折，折后每人大约三百，价钱可接受。餐厅对比其他酒店地方唔大，但环境光亮，收盘服务算快，不过每张台都贴得好近，行出行入都要互相将就。
食物方面都算多选择，今期有羊腩煲，肉都算多，枝竹好少。
仲有德国芝士，不过要等厨师系度先有得食，所以都见到每次有人排队。
门口位已经有海鲜食品，每次都好快冇蟹脚，不过都补得好快，蟹脚够鲜甜，屋企人都好钟意，其他海鲜选择有花螺、青口、虾、鱿鱼圈同埋即开生蚝(要排队，而且每次只限取两只)。
另外仲有圣子热盆，好好食，每次一出都好快冇晒。至于其他热盆都唔错。有一区炸物区，煎炸都有，炸虾同茄子必食！除此之外仲有串烧区，仲有厨师即场烧。
甜品方面，虽然地方不大，但款式不少，特别推介焦糖蛋、红豆糕！
食自助餐最后满足一定唔会少得食雪糕，依度雪糕诚意十足，几多5星级唔知俾咩牌子雪糕，但依度系用Movenpick雪糕，而且仲有杏片，朱古力饼碎等等比你自己加。
当晚仲有抽奖活动每台有一次抽奖机会，我地抽中午餐卷折扣，只可一位使用，吸引不大，有其他台抽中细樽红酒。整体黎讲算不错，食物品质可见诚意度高，奥运站步行十多公钟，交通还好。
张贴
