北角四眼妹美食屋 (已結業)

喺北角放工好肚饿 , 但又未到晚饭时间 , 行过见到好多人帮衬呢间小食店就试下 !铺头细细 , 但系就贴满咗餐单 , 一眼望落 , 食物种类非常多元化 , 而且价钱亦都相当合理 !一般小食店嘅姐姐态度一般 , 但系今日见到一位戴眼镜嘅店员姐姐 , 唔知系咪店名嘅四眼妹呢 ?非常有礼貌 , 仲好主动介绍客人佢哋嘅食物 望咗一轮 , 就拣咗绿茶鸡蛋仔配绿茶馅 , 短短等左几分钟 , 已经见到好多人嚟买嘢食即叫即做嘅鸡蛋仔出炉啦 !! 非常热 , 大家小心辣亲手 , 绿茶味同鸡蛋味同样食得出 , 唔会太甜 , 店员话佢哋嘅豆浆唔系攞货 , 系自家制 , 有少少豆渣 , 不过因为太饱下次有机会再嚟试啦 !