百樂門宴會廳 (已結業)

如果你3年前问我，边间酒楼点心系好食又平？其中一间我会答你:"九龙湾megabox分店既百乐门"。当时呢间分店大部分既点心水准都系几好，而且因为有五折，十几蚊就食到好好食既虾饺烧卖虾肠...阔别左三年，再次嚟呢间分店，我认为点心质素尚算okay但已不及当年好。虾饺(特点)虾饺仍然做得唔错，大大粒岩晒大食之人，皮方面仍然几薄，虾系被打成虾胶但仍然几爽口弹牙，配上荀丝，几有口感，而且亦有猪油既香味。 萝卜白玉千丝酥(大点)萝卜白玉千丝酥，当年其实系做得好食，外层薄而松化，充满牛油香，萝卜鲜甜兼爽口弹牙。不过而家，外层厚左唔少，虽然仍然松化，但入面既萝卜同冬瓜蓉太腍，无左当年既爽甜。翡翠鲜虾肠(特点)翡翠鲜虾肠，翡翠系指入面既翠玉瓜，几爽口，亦可消除虾既腥味。肠粉同以往无咩分别，仍然系较为厚身，但入面有两只鲜虾，几爽口而且弹牙，同时亦几鲜甜，唔错既。流心芝心球(大点)流心芝心球，芝心既芝士味唔够浓，亦唔算太多芝士，芝心球煎过后都几香脆既。烧卖(特点)烧卖，相信唔少人都会被烧卖上大大粒虾吸引左眼球去望，当年嚟讲其实好好食，不过而家呢个烧卖质素上下降左唔少。虾依旧爽口弹牙，猪肉亦都几结实唔会一