影片
更多
2020-08-28
2039 浏览
今日同老公训晏左起身决定直接出去食个brunch☺️好耐未试过放纵一下所以揾吓有冇啲咩抵食嘅放题或者任食自助餐跟住揾到呢间点一龙两位或以上惠顾可以有八五折 都几抵所以就嚟食啦之前去过尖沙咀𠮶间食 味道都唔错嘅但系𠮶次第一次食 画点心纸嘅时候傻猪猪地以为两个人就全部都要写2😂所以所有食物都嚟咗Double份量烧卖虾饺叉烧包etc全部一嚟就系两笼😂即系每款六个🤣𠮶次之后食到怕咗而家事隔一年有多点心瘾又起啦有过上一次嘅经验除咗食物全部会写返1之外😆粥粉面饭我哋全部都唔叫住试匀晒啲点心先首先嚟嘅系每枱附送一客嘅瑞士汁鸡翼鸡翼好入味 唔会有雪味每人一只都食得过-瑞士汁鸡翼抵食不浪费quota指数:🤩🤩🤩(5个🤩为必食，1个🤩可以悭返唔洗食)之后嚟嘅系奶黄流沙包黑蟹子小笼包晶莹海虾饺-奶黄流沙包抵食不浪费quota指数:🤩🤩🤩个包都真系几流心上枱亦都热辣辣馅亦都算多 钟意食奶黄流沙包嘅朋友仔可以叫一笼试吓-黑蟹子小笼包抵食不浪费quota指数:🤩🤩小笼包一夹就穿咗汤汁流晒出嚟虽然个肉同汤都几鲜味但系蒸嘅时间就过咗龙-晶莹海虾饺抵食不浪费quota指数:🤩又系蒸嘅时间出咗问题成块皮过冧基本上一夹就烂晒
起身决定直接出去食个brunch☺️
好耐未试过放纵一下
所以揾吓有冇啲咩抵食嘅放题
或者任食自助餐
跟住揾到呢间点一龙
两位或以上惠顾可以有八五折 都几抵
所以就嚟食啦
之前去过尖沙咀𠮶间食 味道都唔错嘅
但系𠮶次第一次食
画点心纸嘅时候傻猪猪地以为两个人就全部都要写2😂
所以所有食物都嚟咗Double份量
烧卖虾饺叉烧包etc全部一嚟就系两笼😂
即系每款六个🤣
𠮶次之后食到怕咗
而家事隔一年有多
点心瘾又起啦
有过上一次嘅经验除咗食物全部会写返1之外😆
粥粉面饭我哋全部都唔叫住
试匀晒啲点心先
首先嚟嘅系每枱附送一客嘅瑞士汁鸡翼
鸡翼好入味 唔会有雪味
每人一只都食得过
-
瑞士汁鸡翼
抵食不浪费quota指数:🤩🤩🤩
(5个🤩为必食，1个🤩可以悭返唔洗食)
之后嚟嘅系
奶黄流沙包
黑蟹子小笼包
晶莹海虾饺
-
奶黄流沙包
抵食不浪费quota指数:🤩🤩🤩
个包都真系几流心
上枱亦都热辣辣
馅亦都算多
钟意食奶黄流沙包嘅朋友仔可以叫一笼试吓
-
黑蟹子小笼包
抵食不浪费quota指数:🤩🤩
小笼包一夹就穿咗
汤汁流晒出嚟
虽然个肉同汤都几鲜味
但系蒸嘅时间就过咗龙
-
晶莹海虾饺
抵食不浪费quota指数:🤩
又系蒸嘅时间出咗问题
成块皮过冧
基本上一夹就烂晒
虽然个馅啲虾好弹牙
但系咁样嘅虾饺我觉得可以唔洗试
养颜燕窝蛋挞
抵食不浪费quota指数:🤩🤩🤩
挞皮系牛油皮 好香牛油味
个馅都有好重嘅蛋香味
虽然燕窝就食唔出有乜特别啦
但系钟意食蛋挞嘅朋友仔都应该会钟意呢一个曲奇皮嘅蛋挞
之后上枱嘅系小黄瓜红油抄手同埋雪影金腿叉烧包
-
小黄瓜红油抄手
抵食不浪费quota指数:🤩
呢个唔系红油抄手嘅味道
有啲酸味 辣油又唔辣
同埋个小黄瓜都唔系青瓜
系腌制嘅𠮶啲脆瓜
味道非常奇怪😅
虽然抄手嚿肉又系食得出好新鲜嘅
不过就真系唔需要浪费quota喺一嚿猪肉馅上😂
-
雪影金腿叉烧包
抵食不浪费quota指数:🤩🤩🤩🤩🤩
成个点心放题必食嘅推介！
好食到我encore左1次🙈
个包嘅皮好特别 好松化
啲馅又超多
加上个温度非常足
成个包食落就系好香好松软！
同普通蒸嘅𠮶种叉烧包完全唔同
一定要试呀呢个！
之后嚟嘅系豉蒜蒸排骨
同埋杞子鲜虾烧卖
-
豉蒜蒸排骨
抵食不浪费quota指数:🤩
呢个排骨真系非常之差🤢
喺屋企自己蒸嘅排骨都好食过佢
首先啲肉 基本上我都唔系好食到肉
一入口全部都系肥膏嚟嘅🤮
同埋个汁杰挞挞
完全食唔到豉或者蒜嘅味道
-
杞子鲜虾烧卖
抵食不浪费quota指数:🤩🤩
又系蒸嘅时间出咗问题
烧卖皮烂晒
虽然猪肉同虾都好弹牙同鲜味
不过有其他更好选择就唔需要食佢啦
再嚟系香茜牛肉肠粉
同埋海虾脆春卷
-
香茜牛肉肠粉
抵食不浪费quota指数:🤩🤩🤩🤩
牛肉肠粉蒸嘅时间啱啱好
而且馅料非常足
唔会出现平时喺外面酒楼食肠粉
头头尾尾会变咗斋肠嘅情况
-
海虾脆春卷
抵食不浪费quota指数:🤩🤩🤩🤩
刚刚新鲜炸起
老公一摆入口争啲辣亲咁滞😂
非常之脆
而且馅料新鲜弹牙
超好食！而且唔会太油
金黄鲜肉锅贴
抵食不浪费quota指数:🤩🤩🤩
冇乜特别
系一只馅料好新鲜嘅锅贴😂
之后加单分别有
生磨芝麻小卷
豉油皇炒肠粉
夏威夷果仁腰果酥
-
生磨芝麻小卷
抵食不浪费quota指数:🤩🤩🤩🤩
非常香芝麻味！
而且口感软糯
好有细个儿时风味
-
豉油皇炒肠粉
抵食不浪费quota指数:🤩🤩
冇乜特别
我都谂唔到点样形容😂真系冇乜特别
可以唔使浪费quota系呢碟淀粉质上
-
夏威夷果仁腰果酥
抵食不浪费quota指数:🤩🤩🤩
呢个酥饼都几好食嘅 好香脆
不过美中不足就系佢系冻嘅
我记得之前喺尖沙咀𠮶间食好似系热上🤨
如果我冇记错
如果可以整热佢扮到好似啱啱出炉咁就非常完美啦😛
最后系杨枝甘露
同埋红枣桂花糕
-
杨枝甘露
抵食不浪费quota指数:🤩🤩🤩🤩
杨枝甘露系老公点嘅
佢食咗一啖就话非常之好食😂
我本身唔系特别好杨枝甘露
但试咗一啖都觉得几creamy 好足料
老公话呢个都可以系必食之选㖞🤣
-
红枣桂花糕
抵食不浪费quota指数:🤩🤩🤩🤩
桂花糕系我叫嘅
我觉得好食
红枣味就冇乜
不过好香桂花味 唔会太假
而且个糕嘅口感刚刚好
有咬口得嚟唔会过硬 感觉好清新
比起其他酒楼做得出色好多
-
总括来讲所有食材都系好新鲜嘅！
甜点同炸物相对上就比较出色
反而蒸嘅点心就好似冇乜边款真系整得好
可能因为蒸野系一路庆住嘅缘故
所以好容易就蒸到过晒龙
唔记得讲𠮶一壶花茶都几香
仲要唔使另外收茶芥
好饮过其他要收茶钱嘅茶多多声
仲有汽水任饮 仲要有coke zero可以拣😍
老公表示非常高兴！
曾经一度声称佢要饮10罐🤣
不过饮咗两罐就收皮啦🤣🤣🤣
如果你同我嘅食量一样系咁惊人嘅话😂
呢个点心放题真系非常之容易就回本
你睇吓我哋食咗成18碟野🙈
真系分分钟去稻香饮茶仲贵过喺呢度食
同埋值得一赞呢度服务都好好
眼见成个场基本上人手真系唔多
应该四个人打晒
但系佢哋收单同出菜同埋收碟嘅速度都非常之快
每摆低一碟食物都会讲𠮶一碟系咩嚟嘅
真系令我非常之欣赏
睇得出佢哋忙但系都唔会话黑面
态度非常之良好！
下次又想疯狂食点心嘅时候一定会再嚟😆
张贴
