227甜棧 (已結業)

同朋友食完晚餐就喺附新揾甜品店，离远见到间227甜栈就过去啦，行到门口见到好古代feel，如果单睇佢嘅门面设计真系估唔到佢系甜品铺。坐底睇餐牌第一件事就系睇吓有无特别嘅嘢食，即系平时好少见到或食到。最后我选择咗雪糕椰汁燕麦露，因为我觉得用燕麦嚟做甜品比较少见，所以就算饱都要试吓。而我朋友就叫咗芒果小丸子白豆腐花同埋雪糕红豆绿茶布甸。送到嚟𠮶时因为d燕麦比椰汁遮住晒，所以卖相比较普通。燕麦食落嘅口感比较硬，而椰汁沟埋少少溶咗嘅雪糕之后会比较甜。朋友嘅芒果小丸子白豆腐花都几大碗，芒果加埋豆腐花虽然比较普通但都好好味，豆腐花好滑，不过小丸子就麻麻地。至于雪糕红豆绿茶布甸，朋友话d绿茶布甸都唔错。