永香冰室

营业中

休息中

睇外观已经好似回到60年代，坐低左就更加感受其中，怀旧既吊扇、窗花、坐位等等。保留”旧时”，恍惚回到以前爷爷家。拣好食咩落单后，老细不忙推介其菠萝油，相信系信心之作，可惜我无试到。鲜牛肉面 - 食得出新鲜牛肉，唔系腌过晒、无晒肉味既牛肉，而且薄切唔会靭，如果要拣我会钟意呢款多过平时既沙嗲牛肉面。西多士 - 冇咗中间层花生酱，突出返蛋香，唔系厚厚西多士，咁样反而重好食。似以前屋企整既西多士咁，再淋上大量炼奶，虽然我个人就钟意糖桨多d，但有人就好钟意。热奶茶 - 我好钟意饮港式奶茶，但要冲得好饮真心系好难，今次既茶底淡，无茶香，唔系我杯茶。红豆冰 - 够多豆，而且都大大粒，少少沙，但个奶好淡，似水。小店虽然唔算好热情，但就感受到一份随意，又唔洗好赶，慢活怀旧一下。