羅麥記 (已結業)

同亲爱的去希慎行街湿平，行到甘上下肚饿揾野食，唔想食foodcourt,于是上多几层睇，上到15/F见到呢间装修几得意，价钱又相宜无加一，又岩我地口味，入去甘岩仲有卡座坐。睇menu见到个都几正于是叫左：避风塘炒面 （$65）带小辣，炒得唔油手势唔错，将面同面上既香脆配料捞匀食好正，有口感之余又惹味！ 下次再嚟要翻啅！真蜜猪手 （$48）猪手系烧的，所以皮比较烟韧，用真蜜调味所以味道带甜。骨胶原多，所以亲爱的食晒。麦sir乳鸽仔 （$55）见$55只好抵，比想像中大只，炸得好香脆，肉质亦唔干，呢个价抵食既。之后叫多杯冻柠茶 （$10跟餐）服务：店员有礼貌，上菜快。