影片
更多
2023-04-15
100 浏览
一向都钟意怀旧风嘅我，嚟到呢间餐厅真系超级开心。呢一度有好多打卡位，仲要一直都播住八九十年代嘅歌，包括有哥哥，梅姐，陈百强，首首都耳熟能详，成个feel好似返咗去旧时咁。除咗个环境了得之外，呢度嘅服务都系不得了，啲职员全部都好Nice，而且好殷勤，会不停留意住客人嘅需要，又会主动帮你落下料/加下汤，完全有种宾至如归嘅感觉。讲返啲食物先，我哋叫咗个药膳醉鸡汤底。佢个汤好足料，满满嘅药材。职员会建议你煮熟咗啲鸡之后熄火，试咗个汤同埋食咗啲鸡先至再打边炉。我就比较唔听话，喺放啲鸡落去之前试左啖汤，𠮶阵汤剩系得浓浓嘅药材味。但系当放完啲鸡落去之后，简直系另外一个世界，个汤真系甜左好多。然后啲鸡真系好滑，好鲜甜。我哋原本净系谂住叫一份龙趸，但系职员见到之后建议我哋可以试吓佢哋嘅拼盘，因为加多$200左右就可以由多四只鲍鱼，两只扇贝，听落都几抵，所以就试吓。佢啲海鲜都真系好大只，而且都好新鲜，龙趸又啖啖肉，$398嚟讲，我觉得真系好抵。牛肉方面我拣咗本地手切肥牛，朋友就嫌佢太瘦，但我自己觉得好好味，因为似潮汕牛肉火锅啲牛，好有牛味。最重要就系唔好渌得太耐，真系几秒变左色就好啦。另外仲叫咗个鹅肝墨鱼
除咗个环境了得之外，呢度嘅服务都系不得了，啲职员全部都好Nice，而且好殷勤，会不停留意住客人嘅需要，又会主动帮你落下料/加下汤，完全有种宾至如归嘅感觉。
讲返啲食物先，我哋叫咗个药膳醉鸡汤底。佢个汤好足料，满满嘅药材。职员会建议你煮熟咗啲鸡之后熄火，试咗个汤同埋食咗啲鸡先至再打边炉。我就比较唔听话，喺放啲鸡落去之前试左啖汤，𠮶阵汤剩系得浓浓嘅药材味。
但系当放完啲鸡落去之后，简直系另外一个世界，个汤真系甜左好多。然后啲鸡真系好滑，好鲜甜。
我哋原本净系谂住叫一份龙趸，但系职员见到之后建议我哋可以试吓佢哋嘅拼盘，因为加多$200左右就可以由多四只鲍鱼，两只扇贝，听落都几抵，所以就试吓。佢啲海鲜都真系好大只，而且都好新鲜，龙趸又啖啖肉，$398嚟讲，我觉得真系好抵。
牛肉方面我拣咗本地手切肥牛，朋友就嫌佢太瘦，但我自己觉得好好味，因为似潮汕牛肉火锅啲牛，好有牛味。
最重要就系唔好渌得太耐，真系几秒变左色就好啦。
另外仲叫咗个鹅肝墨鱼丸，佢啲墨鱼丸真系好好食，超级弹牙，而且仲有墨鱼嘅甜味。
不过个鹅肝就唔系好有味，反而我觉得墨鱼丸先系主角。
差啲唔记得咗仲有个鸳鸯蚌，呢样嘢最紧要就系鲜，佢做到了，又够晒爽脆，好味。
食完晒之后，呢度仲会送甜品，佢有两款甜品可以拣。最特别嘅系呢个怀旧糖不甩，佢上枱嘅时候真系好靓㗎。但系当听到话要摆落去个汤底都煮嘅时候，我哋都有啲想缩沙，因为听落又咸又甜，好奇怪。
但系当佢煮好之后再帮我哋沾满晒糖花生，又完全食唔到咸味，反而仲几好食添。
另外一款甜品系花奶啫喱，唔少得嘅系呢字怀旧嘅纸伞仔，完全童年回忆返晒嚟。呢度嘅食物质素再加埋环境再加埋服务，我觉得系绝对绝对可以encore无数次。
张贴
