小平津 (已搬遷) 新店位置

未搬之前，第一次黎，几样热门野是有惊喜。之后一两次，鸡丸串、鳗鱼豆腐天妇罗既水准都系麻麻地。搬左之后，再黎一次，水准回勇。先来既系软壳蟹卷，系热门选择之一，软壳蟹炸得够脆，唔油腻，个卷冇一夹就散，食得个既卷物。牛肉卷，汁浓郁，牛肉煮得老了点。烧番薯，第一次系呢到食，望落唔太干身，似样的，食落番薯够甜，好野。烧鸡翼，盐洒得重手了点，干身。鸡丸串，上次食烧到干到不得了，今次烧得刚好，有鸡丸骨捞埋既鸡丸，好嚼口，肉多汁，不俗。另一个热选鳗鱼豆腐天妇罗，热辣辣，鳗鱼冇腍哂，豆腐滑，外面炸粉薄身，食落唔油腻，不错。猪软骨送酒之选，酱浓入味，不俗。埋尾要了杂菜锅配乌冬，鱼汤不错，值得一试。服务系值得俾满分的，大热天时，一黎就送上冻茶，亦主动跟单，很好丫。环境还是喜欢旧址多一点，虽然细d，不过感觉好d。很不错既晚餐。