八方雲集鍋貼水餃專門店

营业中

休息中

自從大少帶過我去太子一間老字號水餃店食水餃之後，都冇再食過八方雲集，今晚突然間想食，又唔想去太子，於是就去八方雲集回味下。印象中以前只得餃子同窩貼，依家有埋牛肉麵，可能我地真係太耐冇食過喇！大少叫咗個牛肉麵套餐：（$65）一碗牛肉麵，5隻窩貼，一杯珍珠奶茶大少話牛肉就幾林，不過成碗麵冇乜味，好淡杯珍珠奶茶勁多奶，飲咗一半冇飲。招牌窩貼，煎得幾香口我就叫咗個重量級套餐其實都唔算好重量級有10隻窩貼，一個麵線，一杯飲品（$41+$8配其他飲品）叫咗韮菜窩貼，我覺得係最好食嘅，但啲韮菜真係冇咁香，個麵線同碗仔翅差唔多，有啲肉丸同大腸加錢要咗杯百香果椰果綠茶……大少話好似溶咗雪嘅檸檬茶，有少少怪怪地。下次再食都係食窩貼同飲豆漿算。