影片
更多
2021-10-25
2379 浏览
天气开始转凉，终于有秋天嘅感觉。正所谓「秋风起，三蛇肥」，广东人以蛇进补系自古有之嘅事。早几日经过波斯富街，见到新开左间「蛇王熙」。上网睇过，原来店舖系由前「蛇王二」店长熙哥主理，趁今日嚟开附近做嘢，一于过去回味一番。先睇下餐牌，除左主打嘅招牌烩蛇羹外，还有精选炖汤、烧味、腊味、各式饭类，另外亦有蛇羹套餐等供应。点左个超人气蛇羹套餐 ($118)、烧鹅腿鸡腿饭 ($100)，原来凡惠顾任何饭类一款(白饭除外)，加蛇羹一碗 ($75)，蛇羹即减 $12 兼送凉拌菜一份，当然唔可以错过。套餐包花胶烩蛇羹、脆皮润肠饭或腊味糯米饭及凉拌拍青瓜云耳。先尝蛇羹，蛇羹大大碗、热辣辣，上台前已洒上了菊花和南乳薄脆。蛇肉手拆成丝，肉质细嫩，紧致富弹性，再加埋质爽软滑嘅花胶、鸡肉、冬菇丝、木耳丝同香气四溢嘅陈皮，啖啖足料，非常滋补。腊味糯米饭味道亦唔错，饭质干爽烟韧，颗粒分明且软硬适中，加埋啲葱花、腊肉、虾米同香脆的花生，口感好丰富。面头的腊肠同润肠当然亦是焦点所在，腊肠饱满圆润，肉质结实，有爆汁效果；而润肠咬下亦甘香丰腴，充满鲜油及鸭润香味，配上外层脆皮嘅肠衣，著实令人回味无穷！小食凉拌拍青瓜清甜爽脆，
早几日经过波斯富街，见到新开左间「蛇王熙」。上网睇过，原来店舖系由前「蛇王二」店长熙哥主理，趁今日嚟开附近做嘢，一于过去回味一番。
先睇下餐牌，除左主打嘅招牌烩蛇羹外，还有精选炖汤、烧味、腊味、各式饭类，另外亦有蛇羹套餐等供应。
点左个超人气蛇羹套餐 ($118)、烧鹅腿鸡腿饭 ($100)，原来凡惠顾任何饭类一款(白饭除外)，加蛇羹一碗 ($75)，蛇羹即减 $12 兼送凉拌菜一份，当然唔可以错过。
套餐包花胶烩蛇羹、脆皮润肠饭或腊味糯米饭及凉拌拍青瓜云耳。
先尝蛇羹，蛇羹大大碗、热辣辣，上台前已洒上了菊花和南乳薄脆。蛇肉手拆成丝，肉质细嫩，紧致富弹性，再加埋质爽软滑嘅花胶、鸡肉、冬菇丝、木耳丝同香气四溢嘅陈皮，啖啖足料，非常滋补。
腊味糯米饭味道亦唔错，饭质干爽烟韧，颗粒分明且软硬适中，加埋啲葱花、腊肉、虾米同香脆的花生，口感好丰富。
面头的腊肠同润肠当然亦是焦点所在，腊肠饱满圆润，肉质结实，有爆汁效果；而润肠咬下亦甘香丰腴，充满鲜油及鸭润香味，配上外层脆皮嘅肠衣，著实令人回味无穷！
小食凉拌拍青瓜清甜爽脆，而凉拌云耳亦鲜香脆口，风味微酸带辣，绝对是醒胃之选。
另外碟烧鹅髀鸡髀饭，亦值得畀个 Like，睇下两只髀嘅卖相几吸引，外皮立立令，油亮有光泽。鹅髀皮薄酥脆，入口肉味丰富，肉汁带甜，十分甘香；而鸡髀肉质亦嫩滑富肉汁，咬下啖啖肉，真系冇得输。
张贴
