蠔站 (諾士佛臺)

营业中

休息中

今人回味再回味系因为好味吖，定系抵食呀？系两样都系呀！今次如无记错应该是第四次帮衬，之前好耐无嚟食的主要原因是订唔到位，早几日发现现在可以在OpenRice个Apps订座真系好方便，就算要改人数改时间几个掣就已经搅掂，而且还有一支红酒送讲翻蚝站的生蚝，今日我哋咁啱可以以$10一只的价钱试到两款生蚝，侍应同我哋讲，平时佢哋只系会得一款$10蚝，我哋四个人总共食了五打生蚝，净食生蚝当然唔够啦！我哋每次都会再叫一啲小食，其中必选有啤酒薯条同炸鱿鱼圈，今次叫了几个主菜有薄饼，意大利饭同猪肋骨，我哋几个都觉得佢哋做的小食较主菜出色。由于我们一早入咗会成为VIP所以每逢星期一帮衬正价食品都会有七折优惠，所以呢餐都非常抵食。另外要主意用Apps订位有限制用膳时间，佢哋讲到明得90分钟，所以在叫嘢食时要加快速度。