丸亀製麵 (已結業)

天气有啲冻！💤夜晚仲系想食啲热辣辣嘅野经过丸龟制面，令我回忆返第一次食呢间乌冬，系喺大阪。。😍无论制作面条嘅玻璃厨房，加上自助式嘅收费系统。都同位于日本嘅店舖一模一样，照板煮碗搬咗过嚟！忽然间令我有一种身处大阪嘅感觉。唯一唔同嘅系，系日本未见过麻辣乌冬。。一于试吓啦！❤️ 麻辣乌冬汤头超级浓味！啱晒重口味嘅我。。辣嘅味道唔算好劲，如果钟意食超级辣嘅朋友，或者会觉得劲到不足！不过汤底嘅香口，令我好快就食晒呢碗乌冬了！冷乌冬友人点嘅冷乌冬，我都忍唔住试咗一啖！面条咬口十足， 烟烟韧韧！夏天食一定好爽！鳕鱼扒鱼扒刚刚炸起，用筷子夹开嘅时候热辣辣，冒烟。最钟意食刚炸起嘅天妇罗！鱼扒嘅厚度十足！真系好满足南瓜天妇罗脆卜卜，我最钟意！🌟 其实我真系好钟意自助式嘅餐厅，因为系未食之前， 拣嘅过程已经好开心！我发现，将会不知不觉拣多左！呢度嘅天妇罗系令我最值得回味嘅地方。