成發粉麺 (已結業)

新正头度度都无开，行去搭车途中经过成发粉面，被佢门口一张手写既「珍品 沙瓜」吸引左，决定入去试试，但可惜沙瓜卖哂，见阿姐力推崩沙，一于试试佢！上网check 左，原来崩沙腩是牛肚皮的腩位，位于牛的横膈膜附近，除左叫崩沙之外，更可以叫爽腩。我咁大个女都未食过爽腩，真系好期待！几分钟阿姐就送来了崩沙腩河喇，牛腩清汤底浓而不腻不咸，吃得出牛肉鲜味，河粉薄薄一条，又滑又软，我喜欢这种河粉质感。到主角崩沙腩，肉质爽而不硬，少少弹牙，肉上面一层薄薄皮包住少少肥膏，油脂味超香又唔会太肥腻，层皮更唔会韧，超好食！食牛腩永远系箍牙朋友的大敌，但呢个崩沙腩既肉丝完全唔会sip哂系牙缝，比贵啲都抵食架！